रागाच्या भरात आईनेच आपल्या पोटच्या तीन वर्षीय चिमुकल्याचा गळा आवळून खून केला. ही धक्कादायक घटना नांदेडमध्ये घडली आहे. खून करून मृतदेह गटारात फेकल्यामुळे माता की वैरीण असा सवाल स्थानिक करत आहेत. येथील मालटेकडी भागात शुक्रवारी हा प्रकर समोर आला. या प्रकरणी मुलाच्या वडिलांनी केलेल्या तक्रारीनंतर विमानतळ पोलिसांनी सोमवार दि. ९ रोजी गुन्हा दाखल केला आहे. नांदेड शहरातील सांगवी परिसरातील बाबानगर भागात राहुल कोंडीबा गहुबळे हे वास्तव्यास आहेत. ते मेकॅनिकचा व्यवसाय करतात गुरुवारी कामानिम्मीत बाहेर गेले. त्यावेळी त्यांची पत्नी कांंचन राहुल गहुबळे हीने रागाच्या भरात आपला तीन वर्षीय मुलगा दिवेश ह्याचा पांढर्‍या रंगाच्या पट्टीने गळा आवळुन खून केला. आपल्या घरच्या मंडळींना कांही माहिती होऊ नये यासाठी तिनं तीन वर्षीय चिमुकला दिवेश याचा मृतदेह मालटेकडी भागातील रेल्वे ब्रिजखालील गटारातील घाण पाण्यात टाकून दिला. या घटनेची माहिती तिचा पती राहुल गहुबळे यास समजताच त्याने विमानतळ पोलिस स्थानक गाठून तक्रार दिली. यावरुन विमानतळ पोलिसांनी आरोपी कांचन गहुबळे हिच्या विरुध्द खुनाचा गुन्हा दाखल केला आहे. या प्रकरणाचा अधिक तपास पोलिस निरीक्षक ननवरे हे करीत आहेत.एका मातेनेच चिमुकल्याचा खुन केल्याच्या घटनेने शहरात खळबळ माजली आहे.
