20 January 2018

News Flash

नरेंद्र दाभोलकर हत्याप्रकरणातील आरोपी वीरेंद्र तावडेचा जामीन फेटाळला

पुढील सुनावणी २४ ऑक्टोबररोजी होणार आहे.

पुणे | Updated: October 5, 2017 4:36 PM

डॉ. नरेंद्र दाभोलकर. (संग्रहित छायाचित्र)

डॉ. नरेंद्र दाभोलकर हत्याप्रकरणातील आरोपी वीरेंद्र तावडेचा जामीन अर्ज पुण्यातील न्यायालयाने फेटाळून लावला. याप्रकरणाची पुढील सुनावणी २४ ऑक्टोबररोजी होणार आहे.

अंधश्रद्धा निर्मूलनातील अग्रणी डॉ. नरेंद्र दाभोलकर यांची २० ऑगस्ट २०१३ रोजी पुण्यात दोन अज्ञात व्यक्तींनी हत्या केली होती. या हत्येचा तपास ‘सीबीआय’कडे सोपवण्यात आल्यानंतर ९ मे २०१४ रोजी मुंबई हायकोर्टाच्या आदेशानुसार ‘सीबीआय’ने गुन्हा नोंदवत तपासाला सुरुवात केली. या हत्येमागे हिंदुत्ववादी संघटनेचा हात असल्याचा आरोप असून २०१४ साली गोविंद पानसरे यांच्या हत्येप्रकरणी अटक झालेल्या ‘सनातन’च्या समीर गायकवाडच्या चौकशीतूनही दाभोलकर हत्येविषयी काही धागेदोरे मिळतात का, या दिशेने तपास सुरु होता. शेवटी सीबीआयने तीन वर्षांनी म्हणजेच जून २०१६ मध्ये या प्रकरणात वीरेंद्र तावडेला मुंबईत अटक केली. तावडे हा २००९ पासून फरार असलेला सनातनचा साधक सारंग अकोलकरच्या संपर्कात होता. डॉ. दाभोलकर यांच्या हत्येसाठी वापरण्यात आलेल्या काळ्या रंगाच्या मोटरसायकलशी सार्धम्य असणारी मोटारसायकल वीरेंद्र तावडे याच्याकडे सापडली होती, असे सीबीआयचे म्हणणे होते.

वीरेंद्र तावडेने पुणे जिल्हा सत्र न्यायालयात जामिनासाठी अर्ज केला होता. गुरुवारी झालेल्या सुनावणीत तावडेचा जामीन अर्ज फेटाळण्यात आला.

First Published on October 5, 2017 4:36 pm

Web Title: narendra dabholkar murder case pune court rejects bail of virendra tawade cbi sanatan sanstha
  1. Anil Gudhekar
    Oct 5, 2017 at 5:34 pm
    जर त्यांनी १ महिन्याच्या आत त्या संबंधी पुरावे न्यायालयात सादर केले नाही ...तर पुरावे आहेत सांगणार्याला लगेच फाशी द्यावी व तावडेंना भरपाई
    Reply
    1. Shriram Bapat
      Oct 5, 2017 at 5:07 pm
      महाराष्ट्रात काळ्या रंगाची एकच मोटार सायकल असल्याने खुनासाठी वापरलेली काळ्या रंगाची मोटार सायकल तीच जी वीरेंद्र तावडेंकडे सापडली. तसेच गौरी लंकेशच्या खुनासकट चारही खुनात वापरलेले पिस्तूल एकच. कारण त्या एका पिस्तुलातूनच फक्त ७.६५ मिमी आकाराची गोळी झाडता येते. तेव्हा तावडेला चांगले पिळून काढा. इतके की तो सगळे कबूल करून पोपटासारखे बोलेल.
      Reply