नाशिकमधील शालिमार पेंट कंपनीला भीषण आग लागल्याची घटना घडली आहे. आगीची माहिती मिळताच अग्नीशमन दलाच्या तीन गाड्या घटना स्थळी दाखल झाल्या आहेत. नाशिकमधील गोंदेगाव परिसरातील असलेल्या पेंट कंपनीला ही आग लागली आहे. कंपनीतून आगीच्या ज्वाला तीव्र होत असून स्फोटाचे आवाज देखील येत असल्याचे वृत्त सूत्रांकडून मिळते आहे. ही आग नक्की कशामुळे लागली याबाबत कोणतीही माहिती अद्याप मिळू शकलेली नाही. मात्र या आगीमुळे मुंबई- आग्रा वाहतूक विस्कळीत झाल्याचे समजते.
