01 October 2020

News Flash

खासदार नवनीत राणा यांनी आदिवासी नृत्य करून केली धुळवड साजरी

हा व्हिडीओ व्हायरल झाला आहे.

राज्यभरात धुळवडीचा उत्साह बघायला मिळाला. तरुणांसह बच्चे कंपनीनं रंगाची उधळण करत धमाल केली. करोनाच्या पार्श्वभूमीवर सरकारनं काळजी घेण्याचं आवाहन केलं होतं. विशेषतः अनेक राजकीय नेत्यांनी धुळवडीच्या कार्यक्रमांना टाळलं. पण, अमरावतीच्या खासदार नवनीत राणा यांनी मेळघाटातील आदिवासींसोबत धुळवड साजरी केली.

मेळघाटातील आदिवासी समुदायातील नागरिकांसोबत खासदार नवनीत राणा आणि त्यांचे पती रवी राणा यांनी धुलिवंदनाचा आनंद घेतला. यावेळी नवनीत राणा यांनी आदिवासींचं प्रसिद्ध कोरकू नृत्य केलं. त्यांचा नृत्याचा व्हिडीओ सोशल मीडियावर व्हायरल होत आहे. यात खासदार नवनीत राणा आदिवासी महिलांसोबत नृत्य करताना दिसत आहे.

राज्याच्या सर्वच भागात धुळीची धूम दिसून आली. अनेक भागात पारंपरिक पद्धतीनं धुळवड साजरी करण्यात आली. तर काही ठिकाणी गालबोटही लागलं.

पुण्यात राडा-

चतुःशृंगी परिसरात दोन गटांमध्ये धुळवड खेळत असताना काही वादाची ठिणगी पडली. नेमकं कोणत्या गोष्टीवरुन हे भांडण झालं हे कारण समजू शकलं नाही. मात्र यानंतर दोन्ही गटात तुफान हाणामारी झाली. हा सगळा प्रकार सीसीटीव्हीत कैद झाला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 10, 2020 8:26 pm

Web Title: navneet rana dances with the tribals of melghat bmh 90
Next Stories
1 Corona Virus : कोल्हापूर महालक्ष्मी मंदिरात दक्षता, शहरात अतिदक्षता
2 “मला दर दहा वर्षांनी बाप बदलण्याची सवय नाही”, आव्हाडांचं गणेश नाईकांना प्रत्युत्तर
3 हातगाड्यांवरील अन्नपदार्थ विक्रेत्यांना आता ड्रेसकोड
Just Now!
X