04 July 2020

News Flash

…संविधानाला श्रद्धांजली वाहण्याची तयारी नसेल ना?; पंतप्रधान, राष्ट्रपतींच्या ट्विटवर राष्ट्रवादीच्या नेत्याचा सवाल

अमोल मिटकरींनी का घेतला संशय

डॉ. बाबासाहेब आंबेडकर यांची जयंती १४ एप्रिल रोजी घराघरांमध्ये उत्साहात साजरी झाली. यानिमित्तानं राष्ट्रपती रामनाथ कोंविद, पंतप्रधान नरेंद्र मोदी यांच्यासह देशभरातील नेत्यांनी इतर मान्यवरांनीही बाबासाहेबांना अभिवादन केलं. मात्र, राष्ट्रवादीचे नेते अमोल मिटकरी यांनी राष्ट्रपती रामनाथ कोविंद आणि पंतप्रधान नरेंद्र मोदी यांनी केलेल्या ट्विटवरून सवाल उपस्थित केला आहे. ‘अप्रत्यक्षपणे संविधानाला श्रद्धांजली वाहण्याची ही पूर्वतयारी तर नसेल ना?,’ अशी शंका मिटकरी यांनी उपस्थित केली आहे.

डॉ. बाबासाहेब आंबेडकर यांच्या जयंतीनिमित्त राष्ट्रपती रामनाथ कोविद, पंतप्रधान नरेंद्र मोदी, संरक्षण मंत्री राजनाथ सिंह आणि बबिता फोगट यांनी ट्विट करून बाबासाहेबांना अभिवादन केलं होतं. यासंदर्भात राष्ट्रवादीचे नेते अमोल मिटकरी यांनी एक ट्विट केलं आहे.

ट्विटमध्ये काय झाली चूक?

राष्ट्रपती रामनाथ कोविंद, पंतप्रधान मोदी, राजनाथ सिंह यांनी बाबासाहेबांच्या जयंतीनिमित्त केलेल्या ट्विटमध्ये अमोल मिटकरी यांनी एक चूक काढली आहे. या मान्यवरांनी जयंतीनिमित्त बाबासाहेबांना श्रद्धांजली वाहिली असल्याचं मिटकरी यांनी म्हटलं आहे. त्यावरूनच त्यांनी ‘अप्रत्यक्षपणे संविधानाला श्रद्धांजली वाहण्याची ही पूर्वतयारी तर नसेल ना? असा शंकावजा सवाल उपस्थित केला आहे.

बाबासाहेब आंबेडकर यांना जयंतीनिमित्त श्रद्धांजली, असं ट्विट राष्ट्रपतींनी केलं होतं. त्याचबरोबर बाबासाहेब आंबेडकर यांना जयंतीनिमित्त सर्व देशवासियांच्या वतीनं विनम्र श्रद्धांजली असं ट्विट पंतप्रधानांनी केलं होतं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 16, 2020 4:53 pm

Web Title: ncp leader asked question about president and prime minister tweet about ambedkar jayanti bmh 90
Next Stories
1 नवी मुंबईतील एपीएमसी मार्केटमधील व्यापाऱ्यांचं थर्मल स्क्रिनिंग होणार; एकनाथ शिंदेंचे आदेश
2 लोकांच्या मनातील भीती घालवण्यासाठी राज ठाकरेंनी उद्धव ठाकरेंना दिला सल्ला; म्हणाले…
3 देवेंद्रजी, ही वेळ ‘ब्लेमगेम’ची नाही; फडणवीसांना अशोक चव्हाण यांचं उत्तर
Just Now!
X