News Flash

गुन्हेगारांचा शोध घेण्यासाठी पोलीस घेणार ‘या’ नव्या प्रणालीची मदत

ही प्रणाली वापरणारे महाराष्ट्र हे देशातील पहिले राज्य ठरले आहे.

गुन्हेगारांचा शोध घेण्यासाठी आता पोलीस नव्या ‘ॲम्ब‍िस’ प्रणालीची मदत घेणार आहेत. सुमारे सहा लाख गुन्हेगारांची छायाचित्रे, बोटांचे ठसे, डोळ्यांचे बुबुळ इत्यादींचा एकत्रित डेटाबेस ऑनलाईन उपलब्ध करुन देणाऱ्या ‘ॲम्ब‍िस’ प्रणालीमध्ये उपलब्ध आहे. देशात अशा प्रकारची जागतिक प्रणाली उपयोगात आणणारे महाराष्ट्र हे पहिले राज्य ठरणार आहे.

‘अॅम्बिस’ प्रमालीच्या माध्यमातूनच गुन्हेगारांच्या बोटांचे ठसे, हाताचे तळवे, चेहरा व डोळ्यांचे स्कॅनिंग साठविण्यासाठी ॲम्बिस (ऑटोमेटेड मल्टिमॉडेल बायोमेट्रिक आयडेन्टिफिकेशन सिस्टीम) प्रणाली गुन्ह्यांच्या तपासाची गती वाढवणारी ठरणार आहे. तसेच त्या माध्यमातून गुन्हेगारांवर वचक निर्माण करण्यास मदत मिळणार आहे. पोलीस दलाने आधुनिकीकरणाची कास धरताना आरोपींचे फिंगर प्रिंट घेण्याची कालबाह्य पद्धत बदलून आता केवळ बोटांचे ठसेच नाही तर हाताचे तळवे, चेहरा व डोळ्यांचे स्कॅन करुन ते डिजिटल पद्धतीने साठवून ठेवण्यात येणार असल्याने गुन्हेगारांचा माग काढण्यासाठी उपयुक्त ठरणार आहे. ‘ॲम्बिस’ प्रणाली देशातील पहिली प्रणाली असून गुन्हेगारांची संपूर्ण माहिती याद्वारे मिळणार आहे. मुंबईतील 94 पोलीस ठाण्यांमध्ये पायलट प्रकल्प म्हणून ही प्रणाली राबविण्यात येत आहे. सुमारे 200 हून अधिक पोलीस कर्मचाऱ्यांना या प्रणालीचे प्रशिक्षण देण्यात आले आहे.

अशी आहे अॅम्बिस प्रणाली

जुन्या व पारंपरिक पद्धतींनी होणाऱ्या कामकाजाची परिभाषा बदलून राज्य पोलिस दलाने आता आधुनिकीकरणाची कास धरली आहे. आरोपींचे फिंगरप्रिंट घेण्याची कालबाह्य पद्धत बदलून आता फक्त फिंगरप्रिंटच नाही तर आरोपीच्या हाताचे तळवे, चेहरा व डोळ्यांचे स्कॅन करून या सर्वांची डिजिटल पद्धतीने साठवणूक करण्याचा निर्णय राज्य पोलीस दलाने घेतला आहे. यासाठी अद्ययावत अशी ‘अॅम्बिस’ (ऑटोमेटेड मल्टिमॉडेल बायोमेट्रिक आयडेन्टिफिकेशन सिस्टीम) प्रणाली विकसित केली गेली आहे. या प्रकल्पाअंतर्गत पोलीस ठाण्यांमध्ये संगणक आणि हाताचे तळवे, चेहरा व डोळ्यांचे स्कॅन करण्यासाठीची यंत्रसामग्री दिली जाणार आहे. तसेच दिली गेलेली ही यंत्रणा थेट मुख्य डेटाबेस शी जोडलेली असणार आहे.

जगातील सर्वोत्तम अशी ‘अँम्बिस’ प्रणाली वापरणारे महाराष्ट्र हे देशातील पहिले राज्य ठरले आहे. तसेच याद्वारे डोळ्यांचे, हाताच्या तळव्यांचे स्कॅन यांचा वापर करून गुन्हेगाराचा अचूक शोध घेण्यास मदत मिळणार आहे. 41 युनिटमधील, 1160 पोलीस ठाण्यात उपलब्ध होणार ही सुविधा, तसेच 2600 पोलीस कर्मचाऱ्यांना मिळणार प्रणाली वापरण्याचे प्रशिक्षण देण्यात येणार आहे. एका क्लिकवर आरोपींची सर्व माहिती मिळणार असून फिंगर प्रिंट गोळा करण्यासाठी मोबाईल स्कॅनरचा वापर करण्यात येणार आहे. तसेच या प्रणालीला सी.सी.टी.एन.एस आणि सीसीटीव्हीशी जोडण्यात येणार असून 1435 चान्सप्रिंट्स प्रणाली मध्ये उपलब्ध असणार आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 30, 2019 4:54 pm

Web Title: new ambis software launched by maharashtra police biometric for crime investigation jud 87
Next Stories
1 बदलापूर : अफवांवर विश्वास ठेवू नका; प्रशासनाचे आवाहन
2 “पक्षाने कायम गणेश नाईकांना वरची बाजू दिली”, जितेंद्र आव्हाडांनी व्यक्त केली खंत
3 धनगर समाजाला राज्य सरकारचं मोठं गिफ्ट
Just Now!
X