02 March 2021

News Flash

शिवसेनाप्रमुख हे फक्त बाळासाहेबच – उध्दव ठाकरे

शिवसेनाप्रमुख हिंदुह्रयस्रमाट फक्त एकच होते आणि बाळासाहेबांसारखा दुसरा कोणी होणे नाही, असे सांगत उध्दव ठाकरे यांनी गेले काही दिवस या प्रश्नावरून रंगलेल्या चर्चेला पूर्णविराम दिला

| December 3, 2012 03:48 am

शिवसेनाप्रमुख हिंदुह्रयस्रमाट फक्त एकच होते आणि बाळासाहेबांसारखा दुसरा कोणी होणे नाही, असे सांगत उध्दव ठाकरे यांनी गेले काही दिवस या प्रश्नावरून रंगलेल्या चर्चेला पूर्णविराम दिला आहे. शिवसेनाप्रमुख बाळासाहेब ठाकरे यांच्या निधनानंतर पहिल्यांदाच शिवसेना कार्याध्यक्ष महाराष्ट्राच्या राज्यव्यापी दौ-यावर असून आज कोल्हापूर येथून या दौ-याला सुरूवात झाली. कोल्हापूरच्या महालक्ष्मीचे दर्शन घेतल्यानंतर त्यांनी येथे आयोजित शिवसोना कार्यकर्त्यांच्या सभेत मार्गदर्शन केले.
बाळासाहेब ठाकरेंच्या पोटी जन्माला येण्याचं भाग्य मला मिळालं असं सांगत उध्दव ठाकरे पुढे म्हणाले की, बाळासाहेब तुमचं एकही स्वप्न, एकही इच्छा अपूर्ण राहू देणार नाही. हा राजकीय दौरा नसून माझ्या लाखो शिवसैनिकांना कुटुंबियांना भेटण्यासाठी हा दौरा, असंही ते पुढे म्हणाले. बाळासाहेबांना मी नेहमी लढताना पाहिलं आहे, त्यामुळे शिवसेनेच्या ताकदीचा उपयोग स्वार्थासाठी करणार नाही, असं उध्दव ठाकरे म्हणाले. बाळासाहेब आजही आपल्यामध्ये आहेत, ही गोष्ट लक्षात ठेवून, विधानसभेवर भगवा फडकवणारच अशी शपथ त्यांनी कार्यकर्त्यांना घ्यायला लावली. मराठी माणूस आणि हिंदूंवरचे अन्याय सहन करणार नाही, असंही ते पुढे म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 3, 2012 3:48 am

Web Title: nobody can become shivsena chief uddhav thackeray
टॅग : Uddhav Thackeray
Next Stories
1 रायगडातील पुढचा खासदार कॉँग्रेसचाच असेल – राणे
2 कोंढाणे धरणाला विरोध नाही – अंजली दमानिया
3 वीज बिलाबाबत ग्राहकांची तक्रार आल्यास तात्काळ कार्यवाही करण्याचे आदेश
Just Now!
X