21 September 2020

News Flash

एकाच दिवशी ७ वृत्तपत्रांत ‘पेड न्यूज’

जिल्हय़ातील सात वृत्तपत्रांत (‘लोकसत्ता’ नव्हे!) शनिवारी प्रसिद्ध झालेल्या बातम्या ‘पेड न्यूज’ असल्याचे...

| October 13, 2014 03:00 am

जिल्हय़ातील सात वृत्तपत्रांत (‘लोकसत्ता’ नव्हे!) शनिवारी प्रसिद्ध झालेल्या बातम्या ‘पेड न्यूज’ असल्याचे प्राथमिक मत झाल्याने माध्यम प्रमाणन व संनियंत्रण समितीचे अध्यक्ष तथा जिल्हा निवडणूक निर्णय अधिकाऱ्यांनी संबंधित निवडणूक अधिकाऱ्यांना पाच उमेदवारांना नोटिसा धाडून खुलासा मागवण्याचे आदेश दिले आहेत.
भाजपचे श्रीगोंद्यातील उमेदवार बबनराव पाचपुते, नगरमधील राष्ट्रवादीचे उमेदवार संग्राम जगताप, पारनेरमधील अपक्ष उमेदवार माधवराव लामखडे, भाजपच्या कोपरगावच्या उमेदवार स्नेहलता बिपीन कोल्हे व शिवसेनेचे उमेदवार आशुतोष काळे या उमेदवारांना ४८ तासांत खुलासा मागवणाऱ्या नोटिसा धाडण्याचे आदेश आहेत.
तीनच दिवसांपूर्वी जिल्हय़ातील सात उमेदवारांच्या संबंधित बातम्या पेड न्यूज असल्याचे समितीचे प्राथमिक मत झाल्याने खुलासा मागवणाऱ्या नोटिसा धाडण्यात आल्या होत्या. या नोटिसांसाठी दिलेली मुदत उलटून गेली तरी अद्याप संबंधित उमेदवारांनी स्पष्टीकरण पाठवले नसल्याचे समितीकडून सांगण्यात आले.
जिल्हय़ात सध्या उमेदवारांकडून पेड न्यूजचा धुमाकूळ सुरू आहे. उमेदवारांच्या प्रचाराच्या बातम्या, एकाच आशयाच्या स्वरूपात, शब्दाचाही फरक न करता अनेक वृत्तपत्र (‘लोकसत्ता’ नव्हे!) प्रसिद्ध करत आहेत. अशा स्वरूपाच्या बातम्या पेड न्यूज असल्याचे समितीचे मत आहे. उमेदवारांकडून योग्य स्पष्टीकरण न मिळाल्यास समिती त्या बातमीला जाहिरात दर लागू करून ते शुल्क उमेदवाराच्या खर्चात जमा करणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 13, 2014 3:00 am

Web Title: on the same day paid news in 7 papers
Next Stories
1 तलावात बैलगाडी कोसळून चार जणांचा मृत्यू
2 मतदानापूर्वी ऊसतोडणी मजुरांना जिल्ह्य़ाबाहेर हाकलण्याचा डाव
3 ‘डॉक्टर’ आम्ही तुमच्याबरोबर..!
Just Now!
X