25 January 2021

News Flash

राज्यात करोनाग्रस्त रुग्ण बरे होण्याचं प्रमाण ७३ टक्क्यांवर, दिवसभरात १० हजाराहून अधिक नवे रुग्ण

आरोग्यमंत्री राजेश टोपेंची माहिती

संग्रहित छायाचित्र

संपूर्ण देशासह महाराष्ट्र राज्यालाही अद्याप करोना विषाणूचा विळखा कायम आहे. अनलॉकच्या माध्यमातून राज्य शासन अर्थव्यवस्थेची विस्कटलेली घडी रुळावर आणण्याचा प्रयत्न करत आहे. सध्या राज्यात गणेशोत्सवाचं वातावरण आहे. करोनाचे नियम पाळत सर्व ठिकाणी गणेशोत्सव साजरा केला जात आहे. राज्यात करोनाग्रस्त रुग्णांच्या संख्येत सातत्याने वाढ होतच आहे. मंगळवारी राज्यात १० हजार ४२५ नवे करोनाबाधित रुग्ण सापडले आहेत. आरोग्य मंत्री राजेश टोपे यांनी ट्विट करुन ही माहिती दिली.

एकीकडे राज्यातील रुग्णसंख्या सातत्याने वाढत असली तरीही रुग्ण बरे होण्याचं प्रमाणही वाढत आहे. मंगळवारी नव्याने आढळलेल्या रुग्णांपेक्षा जास्त म्हणजेच १२ हजार ३०० रुग्ण बरे झाले आहेत. आतापर्यंत करोनावर मात करुन बरे झालेल्या रुग्णांची संख्या ही ५ लाखांच्या वर केली असून रुग्ण बरे होण्याचं प्रमाण ७३.१४ टक्क्यांवर आलं आहे.

आजच्या दिवशी ३२९ रुग्णांना करोनाशी लढताना आपले प्राण गमवावे लागले आहेत. करोनाच्या प्रादूर्भावावर नियंत्रण ठेवण्यासाठी राज्य सरकार व सर्व महापालिका यंत्रणा कसोशीने प्रयत्न करत आहेत. मुंबई, पुणे, नाशिक, नागपूर यासारख्या महत्वाच्या शहरांत अजुनही अजुनही नवीन करोनाग्रस्त रुग्णांच्या संख्येत वाढ होताना दिसत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 25, 2020 9:08 pm

Web Title: over 10 thousand new covid 19 patients found in maharashtra today psd 91
टॅग Coronavirus
Next Stories
1 महाड इमारत दुर्घटना : २१ जणांना बाहेर काढण्यात यश; मृतांचा आकडा पोहोचला १३वर
2 महाड दुर्घटनेतील मृतांच्या नातेवाईकांना पाच लाखांची मदत – विजय वडेट्टीवारांची घोषणा
3 करोना संकटकाळात ३९ हजार २८७ बेरोजगारांना मिळाला रोजगार – नवाब मलिक
Just Now!
X