मुबंई- अहमदाबाद राष्ट्रीय महामार्गावर चारोटी उड्डाणपुलावर ज्वलनशील रसायनाने भरलेला एक टँकर उलटला. आज (शुक्रवार) सायंकाळी पाच वाजेच्या सुमारास ही घटना घडली. टँकर उलटल्याने रस्त्यावर मोठ्या प्रमाणात ज्वलनशील रसायन वाहू लागले. दरम्यान, घटनास्थळी पोलीस पोहचले असून अग्निशमन दलाला पाचारण करण्यात आलं आहे . गुजरातहून मुबंईच्या दिशेने जाणारी वाहतूक सर्व्हिस रोड वरून वळवण्यात आली आहे. त्यामुळे उड्डाणपुलाजवळ वाहतूक कोंडी होऊन वाहतूक धीम्या गतीने सुरू आहे.
