News Flash

पाचगणी येथे गाडी पाचशे फूट दरीत कोसळली;एक ठार एक जखमी

रात्रीमुळे मदत कार्य थांबविण्यात आले आहे. उद्या सकाळी पुन्हा शोध कार्य व गाडी बाहेर काढण्यात येणार आहे

घटनेस्थळी रेस्क्यू टीम

पाचगणी वाई रस्त्यावर पसरणी घाटात हँरिसन फॉली (पाचगणी थापा) येथून मोटार पाचशे फूट दरीत कोसळली. गाडीतून दोघे प्रवास करत होते. गाडीपर्यंत पोहोचण्यासाठी महाबळेश्वर येथील ट्रेकर्सला पाचारण करण्यात आले आहे. या अपघातात एक महिला ठार तर एक जण जखमी झाला आहे.

दांडेघर (ता महाबळेश्वर) गावच्या हद्दीत पाचगणीहून वाईला येत असताना पसरणी घाटात हँरिसन फॉली येथून ही मोटार पाचशे फूट दरीत कोसळली. घटनेची माहिती मिळताच पाचगणी येथील रेस्क्यू टीम व महाबळेश्वर व सह्याद्री ट्रेकर्स यांच्या माध्यमातून बचाव कार्य सुरू करण्यात आले. दरीत उतरून गाडी पर्यंत पोहोचण्याचे प्रयत्न करण्यात येत आहेत. अंधार, धुके आणि थंडीमुळे मदत कार्यात अडचण येत आहे. तसेच रस्त्यावर बघ्यांची मोठी गर्दी आहे.

घटनेची माहिती मिळताच वाई पाचगणी पोलीस व महसूल अधिकारी कर्मचारी घटनास्थळी उपस्थित पोहोचले .गाडीतून कुमोद खटाव या मुंबईतील प्रवाशाला गंभीर जखमी अवस्थेत बाहेर काढण्यात आले आहे. तर एका महिलेचा मृतदेह बाहेर काढला असून तिची अद्याप ओळख पटलेली नाही. जखमी इसमास पाचगणी येथे खाजगी रुग्णालयात दाखल केले आहे. रात्रीमुळे मदत कार्य थांबविण्यात आले आहे. उद्या सकाळी पुन्हा शोध कार्य व गाडी बाहेर काढण्यात येईल असे पाचगणीचे सहायक पोलीस निरीक्षक विकास बडवे व महाबळेश्वर तहसीलदार सुषमा पाटील यांनी सांगितले. घटनास्थळी पोलीस उपअधीक्षक अजित टिके व वाईच्या प्रांताधिकारी संगीता राजापूरकर चौगुले घटनास्थळी उपस्थित होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 12, 2020 11:07 pm

Web Title: panchagani car crashed into a valley of five hundred feet one dead and injuring one abn 97
Next Stories
1 जीवदानी मंदिराच्या केबलट्रेनचे काम सुरू असताना दोन मजूरांचा पडून मृत्यू
2 “उद्धवजी, संजय राऊतांच्या जिभेला लगाम घाला, त्यांची मुजोरी सहन केली जाणार नाही”
3 “छत्रपती शिवाजी महाराजांची तुलना कुणाशीही करणं खपवून घेतलं जाणार नाही”
Just Now!
X