News Flash

पंढरपूरला जाताना काळाचा घाला, मुंबईच्या सहा भाविकांचा मृत्यू

एकाच कुटुंबातील चौघांचा दुर्दैवी मृत्यू

सोलापूर-पंढरपूर रस्त्यावर पंढरपूरपासून जवळच देगाव येथे एसटी बस आणि मारूती युको मोटारीची समोरासमोर जोरदार धडक होऊन झालेल्या भीषण अपघातात मोटारीतील सहाजणांचा मृत्यू झाला. शनिवारी सायंकाळी ही दुर्घटना घडली. यातील मृत हे मुंबईच्या घाटकोपर भागात राहणारे होते. देवदर्शनासाठी पंढरपूरकडे जाताना तेथे जवळच त्यांच्यावर काळाने घाला घातला.

या अपघातात सुरेश कोकणे व त्यांच्या पत्नी सविता कोकणे यांच्यासह त्यांची दोन मुले सचिन आणि आर्यन अशा एकाच कुटुंबातील चौघाजणांना जीव गमवावा लागला. याशिवाय त्यांच्या सोबतच्या प्रथम सावंत आणि श्रध्दा सावंत हे देखील या भीषण अपघातात मृत्युमुखी पडले. तर धनश्री सावंत ही जखमी झाली. कोकणे व सावंत कुटुंबीय पंढरपूरला विठ्ठलाच्या दर्शनासाठी मारूती युको मोटारीतून (एमएच ०३ एझेड-३११६) येत होते. पंढरपूरजवळ आले असतानाच समोरून येणाऱ्या एसटी बसची समोरासमोर जोरदार धडक झाली.

अपघातग्रस्त एसटी बस इस्लामपूर आगाराची असून ती इस्लामपूरहून पंढरपूर व सोलापूरमार्गे अक्कलकोटकडे निघाली होती. जखमी धनश्री सावंत हिला वैद्यकीय उपचारासाठी सोलापूरच्या छत्रपती शिवाजी सर्वोपचार शासकीय रूग्णालयात हलविण्यात आले आहे. या अपघाताची नोंद पंढरपूर तालुका पोलीस ठाण्यात झाली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 3, 2019 9:01 am

Web Title: pandharpur accident six dead from mumbai
Next Stories
1 पळून जाणारा मुलगा समाजमाध्यमांमुळे आईवडिलांच्या ताब्यात
2 भीमा नदीपात्रात पोलिसांचा मध्यरात्री छापा
3 कारवाईनंतर राष्ट्रवादी काँग्रेसकडे शहरात पर्याय नसल्याचे उघड
Just Now!
X