भाजपाच्या नेत्या पंकजा मुंडेंच्या अंगरक्षकाचं करोनामुळे निधन झालं आहे. पंकजा यांनीच फेसबुकवर एक भावनिक पोस्ट लिहीत १२ वर्षांपासून त्यांच्या सोबत असणाऱ्या गोविंद यांना अखेरचा निरोप दिलाय. गोविंद यांच्या निधनाची बातमी समजल्यानंतर आपल्याला अश्रू अनावर झाल्याचं पंकजा यांनी आपल्या पोस्टमध्ये म्हटलं आहे.

या बातमीसह सर्व प्रीमियम कंटेंट वाचण्यासाठी साइन-इन करा

“गोविंद, अरे गोविंदा “अशी हाक मी २००९ पासून किती वेळा मारली असेल. माझ्या तोंडात तीळ भिजत नव्हता अगदी. आज पहाटे त्याच्या मोबाइलवरून फोन आला. मला वाटलं चमत्कारच झाला आणि गोविंदा शुद्धीवरआला…पण नाही, असे चमत्कार होत नाहीत. ३ जूनला कळलं आहेच. “वाघ हो माझा” त्याची पत्नी तिकडून आक्रोश करत होती. मी ही अश्रूंना वाट मोकळी करून दिली. खूप मोठा हुंदका आला, माझं मलाच आश्चर्य वाटलं. इतकी खंबीर मी. कशी कोसळले! पण काही नाती आपल्या आयुष्यात एक जागा भरतात आणि ती पूर्णपणे रिक्तही करतात जी कधीच भरू शकत नाहीत, असं म्हणत पंकजांनी यांनी गोविंद यांच्या मृत्यूची बातमी आपल्या समर्थकांसोबत सोशल मिडियावरुन शेअऱ केला आहे.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Pankaja munde personal bodyguard died due to corona she paid tribute via facebook post scsg
First published on: 22-04-2021 at 18:25 IST