बीडमध्ये राष्ट्रवादीच्या कार्यकर्त्यांनी पाटोदा रोहतवाडी गावचे सरपंच पांडुरंग नागरगौजे यांना बेदम मारहाण केली. या मारहाणीचा व्हिडीओ समोर आला आहे. या पार्श्वभूमीवर माजी मंत्री आणि भाजपाच्या नेत्या पंकजा मुंडे यांनी राष्ट्रवादीला इशारा देणारे टि्वट केले आहे. सत्ता नाही तरी पुण्याई आहे आणि हिंमत ही आहे .सामाजिक न्याय करा अन्याय चालत नाही इथे !!!— Pankaja Gopinath Munde (@Pankajamunde) January 22, 2020 बीड जिल्ह्यातील शांतता आणि सुख कायम राहावं असं पालकत्व कोणाचं ही मिळावं मग ते कोणीही असो अशी भावना होती. पण सूडाच्या आणि सत्तेच्या लालसेने ग्रासलेले लोक समाजात शांतता ठेऊ शकत नाही असं पंकजा मुंडे यांनी टि्वटमध्ये म्हटलं आहे. बीड जिल्ह्यातील शांतता आणि सुख कायम राहावं असं पालकत्व कोणाचं ही मिळावं मग ते कोणीही असो अशी भावना होती पण सूडाच्या आणि सत्तेच्या लालसेने ग्रासलेले लोक समाजात शांतता ठेऊ शकत नाही माझ्या कार्यकर्त्याला मारहाण, दबाव, दहशत हेच ध्येय दिसतंय पालकांचं .हे खपवून घेतलं जाणार नाही ..— Pankaja Gopinath Munde (@Pankajamunde) January 22, 2020 सामाजिक न्याय मंत्री धनंजय मुंडे हे बीड जिल्ह्याचे पालकमंत्री आहेत. राष्ट्रवादीच्या कार्यकर्त्यांनी सरपंच पांडुरंग नागरगौजे यांना बेदम मारहाण केली. धनंजय मुंडे यांच्याबद्दल चुकीची पोस्ट टाकली म्हणून मारहाण केली असा राष्ट्रवादीच्या कार्यकर्त्यांचा दावा आहे.