News Flash

अजित पवारांच्या सभा सगळीकडे झाल्या, तर आमचं काय होईल? – पतंगराव कदम

अजित पवारांनी संयमाने बोलले पाहिजे. पोपटासारखी दुसऱयावर टीका करण्यापेक्षा आपली धोरणे जनतेला सांगितली पाहिजेत.

| July 8, 2013 02:29 am

अजित पवारांनी संयमाने बोलले पाहिजे. पोपटासारखी दुसऱयावर टीका करण्यापेक्षा आपली धोरणे जनतेला सांगितली पाहिजेत. अजित पवारांच्या अशाच सभा सगळीकडे झाल्या, तर आमचं काय होईल, अशी प्रतिक्रिया राज्याचे वनमंत्री पतंगराव कदम यांनी सोमवारी सांगलीत व्यक्त केली. ‘एबीपी माझा’ या वृत्तवाहिनीला दिलेल्या मुलाखतीत त्यांनी अजित पवारांवर टीका केली. 
सांगली महापालिकेच्या निवडणुकीत कॉंग्रेसला एकहाती सत्ता मिळाल्यानंतर पतंगराव कदम यांनी अजित पवार यांच्यावर निशाणा साधला. सांगली महापालिकेच्या निवडणुकीत कॉंग्रेस आणि राष्ट्रवादी कॉंग्रेस यांनी एकमेकांच्याविरोधात निवडणूक लढवली. आगामी लोकसभा आणि विधानसभा निवडणुकांमध्ये हे दोन्ही पक्ष एकत्रित निवडणूक लढविणार आहेत. त्यापार्श्वभूमीवर बोलताना पतंगराव कदम यांनी अजित पवारांना संयमाने बोलण्याचा सल्ला दिला. दुसऱयावर टीका करणाऱया अजित पवारांच्या सभा सगळीकडे झाल्या, तर आमचं काय होईल, अशी भीतीही त्यांनी यावेळी व्यक्त केली.
ते म्हणाले, या निवडणुकीत प्रतीक पाटील, मदन पाटील, विश्वजीत कदम आणि मी आम्ही सगळ्यांनी एकत्रपणे काम केले. महाआघाडीने लोकांना केवळ थापा मारल्या. त्याचवेळी आम्ही विधायक आणि विकास कामांचा आपल्या भाषणात उल्लेख केला. त्याचा आम्हाला निवडणुकीत फायदा झाला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 8, 2013 2:29 am

Web Title: patangrao kadams comment on ajit pawar
Next Stories
1 सांगलीमध्ये जयंत पाटलांना धोबीपछाड; कॉंग्रेसला ४० जागा
2 वारकऱ्यांच्या अखंड भक्तिकल्लोळात पोलीस, प्रशासनाची नियोजनाची दिंडी
3 गडचिरोलीत पोलीस आणि नक्षलवाद्यांत चकमक; सहा नक्षलवादी ठार
Just Now!
X