News Flash

अविचारी लोकांपेक्षा समविचारी पक्षांची युती होणं चांगलं-उद्धव ठाकरे

आमच्या बहुतांश गोष्टी भाजपाने मान्य केल्या, आम्ही एकत्र यावं ही लोकभावना होती त्यामुळे आम्ही एकत्र आलो आहोत असं उद्धव ठाकरेंनी म्हटलं आहे

शिवसेनेने जे प्रश्न उचलून धरले त्याबद्दल भाजपाने मान्यता दर्शवली. तसेच आम्ही दोन्ही पक्ष हे समविचारी पक्ष आहोत त्यामुळे आम्ही युतीला होकार दिल्याचे उद्धव ठाकरे यांनी म्हटले आहे. राम मंदिर झाले पाहिजे ही दोन्ही पक्षांची भूमिका आहे आणि हाच युतीसाठीचा मुख्य मुद्दा होता. रामराज्य चालवायचं असेल तर राम मंदिर झालंच पाहिजे ही शिवसेनेची भूमिका आहे.

नाणारबद्दल आमचं म्हणणं भाजपानं ऐकून घेतलं. लोकांना नको असेल तर तो प्रकल्प तिथे प्रकल्प होणार नाही अशी भूमिका भाजपाने घेतली ही गोष्ट मनाला भावली. लोकांचं हित पाहूनच प्रकल्प साकारला गेला पाहिजे ही शिवसेनेची भूमिका घेतली. लोकहित जपण्याबाबत शिवसेनेने ज्या ज्या गोष्टी मांडल्या त्या भाजपालाही मान्य आहेत त्यामुळेच आम्ही एकत्र आलो. 25 वर्षे आमची युती होती. मध्यंतरी मतभेद झाले ते आम्ही लक्षात ठेवतो आहोत कारण असे कटु अनुभव येऊ नयेत अशी अपेक्षा आहे. आम्ही नवी सुरूवात करतो आहोत. आम्ही दोन्ही पक्षांनी एकत्र यावं ही जनभावना होती त्यामुळे जनभावना लक्षात घेऊन आम्ही एकत्र आलो आहोत असे उद्धव ठाकरे यांनी म्हटलं आहे.

दोन्ही पक्ष एकत्र येत आहेत ही एक नवी सुरूवात आहे. आमची युती ही विचारांच्या पायावर झालेली युती आहे. हिंदुत्त्व हा दोन्ही पक्षांचा पाया आहे. दोन्ही पक्ष वेगळे असले तरीही दिशा एकच आहे. त्यामुळे आमच्यावर लोक पुन्हा एकदा विश्वास टाकतील असा विश्वास आम्हाला आहे असंही उद्धव ठाकरे यांनी म्हटलं आहे. पुलवामा येथे शहीद झालेल्या जवानांना उद्धव ठाकरे यांनी आदरांजलीही वाहिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 18, 2019 8:24 pm

Web Title: people are seeing shiv sena and bjp for past 30 years for 25 years we stood united for 5 years there was confusion but like cm said i still provided guidance to government from time to time
Next Stories
1 लोकसभा आणि विधानसभा निवडणुकांसाठी युतीचं घोडं गंगेत न्हालं
2 औरंगाबाद : 9 दहशतवाद्यांना 14 दिवसांची न्यायालयीन कोठडी
3 अभिनेत्री आसावरी जोशीचा काँग्रेसमध्ये प्रवेश
Just Now!
X