पुण्यातील चाकण येथे कारमध्ये गुदमरून पाच वर्षांच्या चिमुकल्याची मृत्यू झाल्याची घटना सोमवारी संध्याकाळी घडली होती. करण पांडे असे या चिमुकल्याचे नाव असून खेळता खेळता तो घराजवळ पार्क केलेल्या एका कारमध्ये जाऊन बसला होता. पण या प्रकरणी करणच्या वडिलांनी घातपाताचा संशय व्यक्त केला आहे. वडील अखिलेश पांडे यांनी मुलाच्या शरीरावर अनेक ठिकाणी जखमा आहेत त्यामुळे संशय बळावत असल्याचं सांगितलं. माझ्या मुलाची हत्या करून त्याला नंतर गाडीत आणलं असण्याची शक्यता आहे असं वडील म्हणाले. जर तो स्वतःहून गाडीत जाऊन बसला होता, तर त्याच्या शरीरावर जखमा कशा? असा प्रश्न त्यांनी उपस्थित केला आहे. पाहा काय म्हणाले वडील - चाकण येथे राहणारा करण पांडे हा मुलगा सोमवारी दुपारी त्याच्या मित्रांसोबत घराबाहेर खेळत होता. दुपारी बाराच्या सुमारास तो खेळता खेळता उन्हात उभी असलेल्या इस्टिम गाडीत बसला. याच दरम्यान कार लॉक झाली आणि तो कारमध्ये अडकला. काचा बंद असल्याने त्याचा गुदमरुन मृत्यू झाला, असं प्राथमिक वृत्त होतं पण आता त्याच्या वडिलांनी घातपाताचा संशय व्यक्त केला आहे.
