News Flash

महाराष्ट्रातील करोनाच्या उपाय योजनांबाबत मोदी आणि उद्धव ठाकरेंमध्ये फोनवरुन चर्चा

करोनाचा प्रादुर्भाव रोखण्यासाठी काय करता येईल यावर या दोघांमध्ये चर्चा झाली असं समजतं आहे

महाराष्ट्रातील करोनाग्रस्तांची संख्या वाढते आहे. यावरच्या उपाय योजनांबाबत मुख्यमंत्री उद्धव ठाकरे आणि पंतप्रधान नरेंद्र मोदी यांच्यात फोनवरुन चर्चा झाली. या चर्चेत गुरुवारी सकाळी ११ वाजता होणाऱ्या व्हिडीओ कॉन्फरन्सिंगबाबतही चर्चा झाली. सध्या महाराष्ट्रात करोनाग्रस्तांची काय स्थिती आहे? काय उपाय योजता येऊ शकतात या संदर्भात या दोन नेत्यांमध्ये चर्चा झाली. एएनआयने या संदर्भातले वृत्त दिले आहे.

महाराष्ट्रातील करोनाग्रस्तांची संख्या ३३५ झाली आहे. महाराष्ट्रासाठी हा नक्कीच चिंतेचा विषय ठरला आहे. अशात आता महाराष्ट्रातल्या उपाययोजना या अधिक कठोर केल्या जातील का? हे पाहणे महत्त्वाचे ठरणार आहे. महाराष्ट्रात करोनाग्रस्त वाढू नयेत म्हणून सर्वतोपरी प्रयत्न केले जात आहेत. तसेच दररोज खबरदारी बाळगण्याच्या सूचनाही केल्या जात आहेत. अशात महाराष्ट्रात काय परिस्थिती आहे आणि आणखी काय काय करता येईल यावर पंतप्रधान नरेंद्र मोदी आणि मुख्यमंत्री उद्धव ठाकरे यांच्यात चर्चा झाल्याचे समजते आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 1, 2020 9:17 pm

Web Title: pm modi and maharashtra cm uddhav thackeray had a telephonic conversation on the prevailing covid19 situation in maharashtra scj 81
टॅग : Coronavirus
Next Stories
1 PM Cares फंड सुरु करुन मोदींनी सोडली नाही सेल्फ प्रमोशनची संधी-पृथ्वीराज चव्हाण
2 करोनाला टाळण्यासाठी स्वत:हून हायड्रॉक्सी क्लोरोक्वीन घेऊ नका, ICMR चा सल्ला
3 लॉकडाउन झेपत नाही म्हणून इम्रान खान करतायत पंतप्रधान मोदींची बदनामी
Just Now!
X