08 August 2020

News Flash

डीजे, डॉल्बीचा दणदणाट; सोलापुरात कारवाईचा बडगा

डॉ. बाबासाहेब आंबेडकर यांच्या १२४ व्या जयंती उत्सव सांगता मिरवणुकीत डीजे व डॉल्बीचा प्रचंड वापर करून मोठ्या प्रमाणात ध्वनिप्रदूषण केल्याबद्दल अखेर दुसऱ्या दिवशी पोलिसांनी कारवाईचा

| April 21, 2015 04:00 am

डॉ. बाबासाहेब आंबेडकर यांच्या १२४ व्या जयंती उत्सव सांगता मिरवणुकीत डीजे व डॉल्बीचा प्रचंड वापर करून मोठ्या प्रमाणात ध्वनिप्रदूषण केल्याबद्दल अखेर दुसऱ्या दिवशी पोलिसांनी कारवाईचा बडगा उगारत २२ सार्वजनिक मंडळांविरुद्ध गुन्हे दाखल केले. मिरवणुकीत ध्वनिमर्यादा तब्बल ११० ते १४५ डेसिबलपर्यंत वाढल्याचे आढळून आले. पोलिसांनी ही कारवाई करताना डीजे व डॉल्बीची महागडी यंत्रसामग्री जप्त केली नाही.
काल रविवारी रात्री बारापर्यंत डॉ. आंबेडकर जयंती उत्सव सांगता मिरवणूक चालली होती. दिवसभर या मिरवणुकीत डीजे तथा डॉल्बीच्या माध्यमातून प्रचंड प्रमाणावर ध्वनिप्रदूषण झाले होते. त्यास पोलिसांनी वेळेतच अटकाव करण्याचे टाळले. परंतु मिरवणूक संपल्यानंतर दुसऱ्या दिवशी कारवाई केली गेली. ध्वनिमर्यादा दिवसा ४० ते ७० तथापि या मिरवणुकीत ध्वनिमर्यादा तब्बल ११० ते १४५ डेसिबलपर्यंत वाढल्याचे पोलिसांनी केलेल्या यांत्रिक तपासणीत आढळून आले. त्यामुळे संबंधित २२ सार्वजनिक मंडळांच्या विरोधात वेगवेगळ्या पोलीस ठाण्यांमध्ये गुन्हे दाखल करण्यात आले. दिवसा ५० ते ७५ डेसिबल तर रात्री ही मर्यादा ४० ते ७० डेसिबलपर्यंत राखली जाणे कायद्याने बंधनकारक होते. पोलीस ठाणेनिहाय गुन्हे दाखल झालेल्या मंडळांची नावे अशी-सदर बझार पोलीस ठाणे-न्यू संघ रक्षित क्रीडा समाज मंडळ, डॉ. बाबासाहेब आंबेडकर जयंती उत्सव मंडळ, सिध्दार्थ तरुण मंडळ, मातोश्री रमाबाई तरुण मंडळ, संघमित्र तरुण मंडळ, तक्षशीला मंडळ व कपिल तरुण मंडळ. जोडभावी पेठ पोलीस ठाणे-भीमसृष्टी प्रतिष्ठान, सुभेदार रामजी तरुण मंडळ, रमापती तरुण मंडळ, डॉ. बाबासाहेब आंबेडकर बहुउद्देशीय मंडळ, बबन भंडारे कला सांस्कृतिक मंडळ, बुध्दराष्ट्र प्रतिष्ठान, रमांजली तरुण मंडळ. एमआयडीसी पोलीस ठाणे- भीमशक्ती समाज मंडळ, भीमक्रांती तरुण मंडळ. फौजदार चावडी पोलीस ठाणे- छत्रपती शाहूराजे प्रतिष्ठान, पंचशील तरुण मंडळ, रॉकी प्रतिष्ठान, जीएम ग्रुप, पीबी ग्रुप, बुध्ददर्शन तरुण मंडळ.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 21, 2015 4:00 am

Web Title: police action on dj dolby in solapur
टॅग Solapur
Next Stories
1 ‘राजाराम’ निवडणुकीत महाडिक गटाचे वर्चस्व
2 जिल्हा समिती व मनपात सकारात्मक हालचाली
3 ससाणे पुन्हा विखेंच्याच गोटात!
Just Now!
X