News Flash

पोलीस मुख्यालयात स्फोट घडवणारा कर्मचारी बडतर्फ

श्रीवर्धन येथे नेमणुकीवर असणाऱ्या निलेश पाटील याचा मृत्यू झाला होता

पोलीस मुख्यालयात स्फोट  घडवणारा कर्मचारी बडतर्फ
अलिबाग येथील पोलीस ठाण्याबाहेर स्फोट घडवून आणलेली मोटर सायकल

अलिबाग येथील पोलीस मुख्यालयात स्फोट घडवून सहकाऱ्याचा खून करणाऱ्या प्रल्हाद पाटील याला पोलीस सेवेतून बडतर्फ करण्यात आले आहे. भारतीय संविधानाच्या अनुच्छेद ३११ तील पोटकलम (२)(बी)च्या तरतुदीनुसार पोलीस अधिक्षक मो. सुवेझ हक यांनी ही कारवाई केली आहे. पोलीस दलातील एका महिला कर्मचाऱ्याशी असणाऱ्या दोन पोलीस कर्मचाऱ्यांच्या विवाहबाह्य़ संबंधातून २८ ऑक्टोबरला ११.३०च्या सुमारास प्रल्हाद पाटील याने पोलीस मुख्यालयात स्फोट घडवून आणला होता. यात श्रीवर्धन येथे नेमणुकीवर असणाऱ्या निलेश पाटील याचा मृत्यू झाला होता. तर अन्य एक कर्मचारी जखमी झाला होता. या प्रकरणी प्रल्हाद पाटील याच्या विरोधात अलिबाग पोलीस स्टेशनमध्ये भादवी कलम ३०२, ३०७, ३२४ आणि स्फोटक अधिनियम १९०८ च्या कलम (३) अन्वये गुन्हा दाखल करण्यात आला होता. यानंतर प्रल्हाद पाटील याला अटक करण्यात आली होती. प्रल्हाद पाटील याची ही कृती गुन्हेगारी स्वरुपाची आणि विकृत मानसिकतेची होती. अशा व्यक्तीला पोलीस दलात ठेवल्यास ती समान्य जनता, समाज आणि राष्ट्रासाठी घातक ठरू शकेल. ही बाब लक्षात घेऊन त्याला पोलीस दलातून बडतर्फ करण्यात येत असल्याचे परिपत्रक पोलीस अधिक्षक कार्यालयाने जारी केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 21, 2015 4:38 am

Web Title: police constable suspend
टॅग : Police Constable
Next Stories
1 काँग्रेसचे घोटाळे निस्तरताना वर्ष लोटले – मुख्यमंत्री
2 पश्चिम महाराष्ट्रातील नेत्यांचाच दुष्काळी तालुक्यांवर अन्याय
3 बांधकाम उपअभियंताला लाच घेताना अटक
Just Now!
X