News Flash

गोंडवाना विद्यापीठाच्या प्राध्यापक भरती प्रक्रियेला स्थगिती; हायकोर्टाचे आदेश

मुंबई उच्च न्यायालयाच्या नागपूर खंडपीठाने दिली स्थगिती

गोंडवना विद्यापीठ, गडचिरोली (संग्रहित छायाचित्र)

गडचिरोलीच्या गोंडवाना विद्यापीठाने प्राध्यापक, सहयोगी प्राध्यापक आणि सहायक प्राध्यापक पदाच्या ३६ रिक्तपदांसाठी सुरु झालेली भरती प्रक्रिया स्थगित करण्यात आली आहे. मुंबई उच्च न्यायालयाच्या नागपूर खंडपीठाने हे स्थगितीचे आदेश दिले आहेत.

या प्राध्यापक भरतीसाठी २० मार्च २०२० ला जाहिरात प्रकाशित करुन अर्ज मागवण्यात आले होते. परंतू, या जाहिरातीमध्ये ओबीसी प्रवर्गासाठी एकही जागा नसल्यामुळे ओबीसी समजात प्रचंड नाराजी होती. यामुळे गोंडवाना विद्यापीठाचे सिनेट सदस्य व स्थायी समिती सदस्य अॅड. गोविंदराव भेंडारकर, ओबीसी महासंघाचे अध्यक्ष डॉ. बबनराव तायवाडे, प्रवीण घोसेकर, विशाल पानसे व इतर यांनी मुंबई उच्च न्यायालयाच्या नागपूर खंडपीठात याचिका दाखल केली होती.

या याचिकेवर न्या. रवी देशपांडे आणि न्या. विनय जोशी यांच्या खंडपीठाने प्रध्यापकांच्या भरती प्रकियेतील नियुक्तीला आज (दि.१६) स्थगिती दिली. या संदर्भात राष्ट्रीय ओबीसी महासंघाने शासनाकडे पाठपुरावा केला होता. अर्जदाराच्यावतीने अॅड. पुरुषोत्तम पाटील व विद्यापीठाच्यावतीने भानुदास कुलकर्णी आणि अॅड. नीरजा चौबे यांनी काम पाहिले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 16, 2020 9:38 pm

Web Title: postponement of gondwana university professor recruitment process order of the nagpur bench of mumbai high court aau 85
Next Stories
1 भारतात करोना येण्यासाठी पंतप्रधान मोदीच जबाबदार-प्रकाश आंबेडकर
2 दिलासादायक! अत्यल्प करोना संसर्ग असलेल्या जिल्ह्यांमध्ये राज्यातील सहा जिल्हे, ही घ्या यादी
3 १३२८ करोना मृत्यू लपवणाऱ्यांवर काय कारवाई करणार? फडणवीस यांचा ठाकरे सरकारला सवाल
Just Now!
X