Uddhav Thackeray Birthday : शिवसेना पक्षप्रमुख उद्धव ठाकरे यांचा आज ५८ वा वाढदिवस आहे. यानिमित्ताने त्यांना अनेकजण शुभेच्छा देत आहेत. काँग्रेस अध्यक्ष राहुल गांधी यांनीदेखील ट्विट करत उद्धव ठाकरेंना वाढदिवसाच्या शुभेच्छा दिल्या आहेत. राहुल गांधी यांनी ट्विटमध्ये लिहिलं आहे की, 'उद्धव ठाकरे यांना उत्तम आरोग्य आणि आनंद मिळो'. राहुल गांधी यांनी शुभेच्छा दिल्यामुळे अनेकांच्या भुवया उंचावल्या आहेत. उघडपणे भाजपा आणि नरेंद्र मोदींवर टीका करणाऱ्या उद्धव ठाकरेंशी जवळीक करण्याचा राहुल गांधी प्रयत्न करत असल्याची शंकाही यानिमित्ताने उपस्थित होत आहे. Best wishes to Shri Uddhav Thackeray ji, on his birthday. I wish him good health and happiness always. — Rahul Gandhi (@RahulGandhi) July 27, 2018 उद्धव ठाकरे यांना वाढदिवसाच्या शुभेच्छा देण्यासाठी मातोश्रीवर कार्यकर्त्यांची मोठी गर्दी होत असते. दरम्यान उद्धव ठाकरे यांनी आपल्या वाढदिवसानिमित्त कोणतेही फलक, होर्डिंग लावू नका असं सांगत पर्यावरण जपण्याचं आवाहन केलं आहे. शिवसेना पक्षप्रमुख मा. श्री उद्धवजी ठाकरे यांना वाढदिवसाच्या अनंत शुभेच्छा ! — Devendra Fadnavis (@Dev_Fadnavis) July 27, 2018 Birthday wishes to Shri Uddhav Thackeray. May Almighty bless him with a long and healthy life in service of society. — Narendra Modi (@narendramodi) July 27, 2018 मुख्यमंत्री देवेंद्र फडणवीस आणि पंतप्रधान नरेंद्र मोदी यांनीही उद्धव ठाकरेंना वाढदिवसाच्या शुभेच्छा दिल्या आहेत.
