News Flash

नगर परिसरात पाऊस

नगर शहर व परिसरात सोमवारी सलग चौथ्या दिवशी दमदार पावसाने हजेरी लावली.

नगर शहर व परिसरात सोमवारी सलग चौथ्या दिवशी दमदार पावसाने हजेरी लावली. सायंकाळी साडेपाचच्या सुमारास मुसळधार स्वरूपात सुरू झालेला पाऊस रात्री साडेआठपर्यंत सुरू होता. त्यानंतरही हलक्या सरी येतच होत्या. अधूनमधून पावसाचा वेग कमी-जास्त होत होता. परंतु पाऊस सुरू होतानाच वादळी वारे वाहिल्याने शहरातील मोठय़ा भागाचा वीजपुरवठा खंडित झाला होता. तो रात्री उशिरापर्यंत सुरू झाला नव्हता.
शहरासह जिल्ह्य़ाच्या ब-याच भागात गेल्या तीन-चार दिवसांपासून कमी-अधिक प्रमाणात पाऊस सुरू असल्याने शेतक-यांच्या आशा पल्लवित झाल्या आहेत. मात्र हा पाऊस पुरेसा नसला तरी पोषक वातावरण तयार झाल्याने रब्बी पिकांच्या आशा वाढल्या आहेत. पारनेर, शेवगाव तालुक्यात काही ठिकाणी स्थानिक नद्या, नाले व ओढेही वाहिल्याने तेवढय़ा भागापुरती पाण्याची चिंता काहीशी कमी होण्यास मदत होईल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 8, 2015 3:00 am

Web Title: rain in nagar area
Next Stories
1 परभणी, नगर, सोलापूर जिल्ह्यात चारा छावण्यांचा निर्णय
2 मुख्यमंत्र्यांच्या दौऱ्यानंतर शेतकऱ्याची आत्महत्या
3 समान राष्ट्रीय लोकसंख्या नियंत्रणाचा विहिंपच्या संत संमेलनात ठराव
Just Now!
X