News Flash

राज्य सरकारचा मोठा निर्णय; वैद्यकीय सुविधांचे दर केले कमी, जाणून घ्या नवे दर!

ग्रामीण भागातल्या रुग्णांना दिलासा देणारी बातमी, निश्चित दराशिवाय अधिक दर आकारता येणार नाही.

संग्रहित छायाचित्र

कोरोना संसर्गाच्या दुसऱ्या लाटेचा तडाखा ग्रामीण भागाला बसला आहे. कोविड उपचारांसाठी खासगी रुग्णालयांमध्ये येणारा अव्वाच्या सव्वा खर्च थांबविण्यासाठी  आणि सर्वसामान्यांना दिलासा देण्याच्या दृष्टीकोनातून खासगी रुग्णालयांच्या उपचाराचे दर निश्चित करण्यात आले आले असून मुख्यमंत्री उद्धव ठाकरे यांनी  त्याबाबतच्या अधिसूचनेला मंजुरी दिली आहे.  यानुसार आता शहरांचे वर्गीकरण करून दर निश्चित केले आहेत. यात निश्चित दरांशिवाय अधिक दर आकारता येणार नाहीत.

खाजगी रुग्णालयात कोविड बाधित रुग्णांवर उपचारासाठी ८० टक्के खाटांसाठी शासनाने निश्चित केलेल्या दरानुसार व उर्वरित २० टक्के खाटांसाठी खाजगी रुग्णालयांनी निश्चित केलेल्या दरानुसार दर आकारणी करण्याबाबतची अधिसूचना काल संपली. आज त्यास मुदतवाढ देताना त्यात शहरांच्या वर्गीकरणानुसार सुधारणा करण्यात आली आहे.

यापूर्वीच्या अधिसूचनेत उपचारांचे दर हे मोठ्या शहरातील रुग्णालये व अतिदुर्गम भागातील रुग्णालये यासाठी एकच होते. शहरांच्या वर्गीकरणामुळे आता उपचारांच्या खर्चात मोठा दिलासा मिळणार आहे. विमा कंपन्या आणि विविध प्रकारचे भत्ते देताना ज्याप्रमाणे शहरांचे वर्गीकरण केले जाते. त्याच निकषावर वर्गीकरण आणि संबंधित उपचारांचे दर निश्चित केल्याने, विशेषतः ग्रामीण भागातील रुग्णांवरील उपचारांचा खर्च तुलनेने कमी होणार आहेच.

शहरांची वर्गवारी…

दरांसाठी  शहरांच्या दर्जानुसार वर्गीकरण करण्यात आले आहे. अ, ब, क अशा गटात शहरे व भागांची विभागणी केली आहे  त्यामुळे आता शहरी व ग्रामीण भाग यामध्ये उपचारांचा दर वेगवेगळा असेल व पर्यायाने ग्रामीण भागात तुलनेने कमी खर्चात उपचार शक्य होतील.

अ वर्ग शहरे- मुंबई आणि महानगर क्षेत्र ( भिवंडी , वसई-विरार वगळून),  पुणे आणि पुणे महानगर क्षेत्र, नागपूर ( नागपूर मनपा, दिगडोह, वाडी),

ब वर्ग शहरे- नाशिक, औरंगाबाद, अमरावती, भिवंडी, सोलापूर, कोल्हापूर, वसई-विरार, मालेगाव, नांदेड, सांगली

क वर्ग शहरे- अ आणि ब वर्ग शहरांव्यतिरिक्तचे इतर सर्व जिल्हा मुख्यालये यांचा अंतर्भाव करण्यात आला आहे.

कसे असतील दर? 

  • वॉर्डमधील नियमित विलगीकरण ( प्रति दिवस)

अ वर्ग शहरांसाठी ४००० रुपये,

ब वर्ग शहरांसाठी ३००० रुपये

क वर्ग शहरांसाठी २४०० रुपये.

यामध्ये आवश्यक ती देखरेख, नर्सिंग, चाचण्या, औषधी, बेड्सचा खर्च  व जेवण याचा समावेश. कोविड चाचणीचा खर्च निश्चित केलेल्या दराप्रमाणे द्यावा लागेल. केवळ मोठ्या चाचण्या व तपासणी तसेच उच्च पातळीवरील मोठी औषधी यातून वगळली आहेत.

  • व्हेंटिलेटरसह आयसीयू व विलगीकरण :

अ वर्ग शहरांसाठी ९००० रुपये

ब वर्ग शहरांसाठी ६७०० रुपये

क वर्ग शहरांसाठी ५४०० रुपये

  • केवळ आयसीयू व विलगीकरण :

अ वर्ग शहरांसाठी ७५०० रुपये

ब वर्ग शहरांसाठी ५५०० रुपये

क वर्ग शहरांसाठी ४५०० रुपये

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 1, 2021 7:37 pm

Web Title: rajesh tope declares new rates of medical services in maharashtra vsk 98
Next Stories
1 Corona – महाराष्ट्राला मोठा दिलासा! नव्या करोनाबाधितांची संख्या घटली, रिकव्हरी रेट ९४.२८ टक्क्यांवर!
2 अजित पवारांनी पिंपरी-चिंचवडमध्ये खूप मोठं काम करूनही नशिबी काय आलं… पराभवच! -राज ठाकरे
3 संतापजनक : अल्पवयीन मुलीवर धावत्या रेल्वेत अतिप्रसंग करण्याचा प्रयत्न!
Just Now!
X