News Flash

दलितांना स्वरक्षणासाठी हत्यारे द्या- रामदास आठवले

दलितांवरील अत्याचारात दिवसेंदिवस वाढ होत चालली आहे.

Ramdas Athawale
दलितांचे रक्षण करण्यात जर सरकार आणि पोलीस कमी पडत असतील तर दलितांना स्वरक्षणासाठी हत्यारे द्या, रिपाइं नेते रामदास आठवले यांची मागणी.

दलितांवरील अत्याचारात दिवसेंदिवस वाढ होत चालली आहे. दलितांचे रक्षण करण्यात जर सरकार आणि पोलीस कमी पडत असतील तर दलितांना स्वरक्षणासाठी हत्यारे द्या, अशी मागणी रिपाइं नेते रामदास आठवले यांनी केले आहे. ते नागपूरात बोलत होते. केंद्रीय गृहमंत्री राजनाथ सिंह आणि मुख्यमंत्री देवेंद्र फडणवीस यांच्याकडे यासंदर्भातील मागणी करणार असल्याचे आठवले म्हणाले. तसेच या घटनेवर बेताल वक्तव्य केलेल्या व्ही.के.सिंह यांच्यावरही आठवले यांनी टीका केली. व्ही.के.सिंह सारख्या नेत्याने अशाप्रकारचे विधान करू नयेत, असे आठवले म्हणाले.

गेल्या काही दिवसांतील घटनांमुळे देशातील असहिष्णुता वाढत असल्याची टीका होत असतानाच मंगळवारी हरियाणातील गावात जातीय वादातून दलित कुटुंबावर हल्ल्याची घटना घडली. हरियाणातील सुनपेड गावात उच्चवर्णीय जमावाकडून दलित कुटुंबाचे घर जाळण्यात आले. यामध्ये दलित कुटुंबातील दोन लहान मुलांचा मृत्यू झाला असून या मुलांचे पालक गंभीररित्या भाजले. हल्ल्याच्या घटनेविषयी केंद्रीय मंत्री व्ही.के.सिंह वादग्रस्त वक्तव्य केले. दलित कुटुंबातील दोन लहान मुलांच्या मृत्यूला सरकारला जबाबदार धरता येणार नाही. कुणी कुत्र्याला दगड फेकून मारला तर त्यामध्ये सरकारची काय चूक, असे सिंह यांनी यावेळी म्हटले. सिंह यांच्या विधानावरून गदारोळ माजला आहे. सर्व स्तरांतून व्ही.के.सिंह यांच्यावर टीका होत आहे. सिंह यांची मंत्रिमंडळातून हाकलून लावण्याची मागणी केली आहे. तसेच याप्रकरणी पंतप्रधानांनी माफी मागावी, असेही काँग्रेसचे म्हणणे आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 23, 2015 12:42 pm

Web Title: ramdas athawale criticises v k singh statement
टॅग : Ramdas Athawale
Next Stories
1 सिंधुदुर्ग किनाऱ्यावर घुसखोरी करणाऱ्या मच्छीमारांना इशारा
2 अवैध रेती वाहतूक करणाऱ्यांचे परवाने रद्द होणार
3 नवरात्रोत्सवाची दसऱ्याने सांगता; सोनेखरेदीसाठी झुंबड
Just Now!
X