News Flash

पुरावा द्या नाहीतर माफी मागा; नवाब मलिकांवर भाजपाचा पलटवार

"मुख्यमंत्र्यांनी स्वतः पुढे यावं आणि वस्तुस्थिती स्पष्ट करावी, नाहीतर..."

भाजपाचे मुख्य प्रवक्ते केशव उपाध्ये आणि राष्ट्रवादीचे नेते नवाब मलिक. (संग्रहित छायाचित्र)

राज्यात रेमडेसिवीर इंजेक्शनचा तुटवडा जाणवत असून, राज्याचे अल्पसंख्याक मंत्री आणि राष्ट्रवादीचे नेते नवाब मलिक यांनी यासंदर्भात मोदी सरकारवर खळबळजनक आरोप केला आहे. राज्य सरकारने १६ कंपन्यांना रेमडेसिवीरच्या पुरवठ्याबद्दल विचारणा केली. त्यावर महाराष्ट्राला औषधी न देण्याचं केंद्राकडून सांगण्यात आल्याचं कंपन्यांचं म्हणणं आहे, असं मलिक म्हणाले. मलिक यांनी केलेल्या धक्कादायक आरोपानंतर भाजपाने पलटवार केला आहे.

भाजपाचे मुख्य प्रवक्ते केशव उपाध्ये यांनी नवाब मलिक यांनी केलेल्या आरोपावर प्रत्युत्तर दिलं असून, मुख्यमंत्री उद्धव ठाकरे यांनी पुढे येऊन भूमिका मांडावी, असंही म्हटलं आहे. “अशा प्रकराचे निराधार आरोप करण्याऐवजी नवाब मलिक यांनी पुरावा द्यावा अन्यथा माफी मागावी. परिस्थिती बिकट असून, महाविकास आघाडी सरकारने दोषारोपाचे खेळ थांबवावेत आणि करोना परिस्थिती हाताळावी. ही जर राज्य सरकारची अधिकृत भूमिका असेल, तर मुख्यमंत्री उद्धव ठाकरे यांनी स्वतः पुढे यावं आणि वस्तुस्थिती स्पष्ट करावी. नाहीतर अशा प्रकारचे निराधार आणि बेजबाबदार आरोप करण्यापासून आपल्या मंत्र्यांना थांबवावं,” असं भाजपाचे मुख्य प्रवक्ते केशव उपाध्ये यांनी म्हटलं आहे.

नवाब मलिक काय म्हणालेत?

“हे अत्यंत वेदनादायी आणि धक्कादायक आहे. महाराराष्ट्र सरकारने जेव्हा १६ कंपन्यांना रेमडेसिवीरची निर्यात करायला सांगितलं, तेव्हा ‘आम्हाला केंद्र सरकारने महाराष्ट्राला औषधी पुरवू नका असं सांगितलं आहे,’ अशी माहिती कंपन्यांनी दिली आहे. जर औषधांचा पुरवठा केला नाही, तर परवाने रद्द करू असा इशारा आता या कंपन्यांना देण्यात आलेला आहे. हा धोकादायक पायंडा असून, या परिस्थितीत औषधांचा साठा जप्त करून गरजूंना पुरवण्याशिवाय महाराष्ट्र सरकारकडे कोणताही पर्याय नाही,” असं मलिक यांनी म्हटलेलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 17, 2021 3:23 pm

Web Title: remdesivir shortage in maharashtra nawab malik allegations modi government bjp leader keshav upadhye bmh 90
टॅग : Coronavirus
Next Stories
1 “काही वजनदार मंत्री त्यांच्या जिल्ह्यात ऑक्सिजन, रेमडेसिवीरचा जादा साठा नेत आहेत”, बावनकुळेंचा गंभीर आरोप!
2 केंद्रानं मदत केली नाही, तर औषध साठा जप्त करू; नवाब मलिक यांचा इशारा
3 उद्धवजी, शिवभोजन थाळी खायचीये, पण जायचं कसं?; पडळकरांनी व्हिडीओ केला शेअर
Just Now!
X