पुणे-मुंबई रस्त्यावरील इंद्रायणी पुलाजवळील एका ढाब्यावर शुक्रवारी पहाटे चहा पिण्यासाठी थांबलेल्या प्रवाशांना मारहाण करून त्यांच्याकडील पावणेचार लाखांचा ऐवज लुटण्यात आला. या घटनेत एक जण गंभीर जखमी झाला आहे. पोलिसांनी दिलेल्या माहितीनुसार हे प्रवासी ढाब्यावर थांबले असता मोटारसायकलवरून आलेल्या एकाने गाडी येथे का थाबविली, असे विचारत भांडण काढले. तेवढय़ात त्याचे आणखी चार ते पाच साथीदार आले. त्यांनी मारहाण करत मुद्देमाल घेऊन पळ काढला.
