25 September 2020

News Flash

सेलूमध्ये जादा दराने मुद्रांक विक्री

सेलू शहरातील मुद्रांक विक्रेते चढय़ा भावाने मुद्रांक विक्री करून शेतकऱ्यांची लूट करीत आहेत. सध्या पीककर्जासाठी शेतकऱ्यांची धावपळ चालू असून त्यासाठी १०० रुपयांच्या मुद्रांकाची आवश्यकता लागते.

| June 19, 2014 01:25 am

सेलू शहरातील मुद्रांक विक्रेते चढय़ा भावाने मुद्रांक विक्री करून शेतकऱ्यांची लूट करीत आहेत. सध्या पीककर्जासाठी शेतकऱ्यांची धावपळ चालू असून त्यासाठी १०० रुपयांच्या मुद्रांकाची आवश्यकता लागते. परंतु सेलू शहरातील मुद्रांक विक्रेते हे १०० रुपयांचा मुद्रांक १२० रुपयांना राजरोसपणे विक्री करत आहेत. त्यामुळे संभाजी ब्रिगेडच्या कार्यकर्त्यांनी दुय्यम निबंधकांना घेराव घातला. निबंधकांनी मुद्रांक विक्रेते राजूरकर यांचे रजिस्टर, मुद्रांक आदी साहित्य जप्त करून मुद्रांक विक्रीवर तात्पुरती बंदी घातली.
अनेक परवानाधारक मुद्रांक विक्रेत्यांनी आपला परवाना बेकायदेशीररीत्या इतर दुकानदारांना वापरण्यासाठी दिला आहे. कथित दुकानदार चढय़ा भावाने मुद्रांकाची विक्री करून शेतकरी व विद्यार्थ्यांची लूट करीत आहेत. याप्रकरणी संभाजी ब्रिगेडच्या कार्यकर्त्यांनी आक्रमक पवित्रा घेत दुय्यम निबंधक गडाप्पा यांना घेराव घालून कारवाईची मागणी केली. दुय्यम निबंधकांनी प्रकरणाची गंभीरता लक्षात घेता तात्काळ या दुकानास भेट देऊन पंचनामा केला व मुद्रांक विक्रेता पी. व्ही. राजूरकर यांचा साठा रजिस्टर, विक्री रजिस्टर व मुद्रांक इत्यादी साहित्य जप्त करीत मुद्रांक विक्री करण्यावर तात्पुरती बंदी घातली. आठ दिवसांच्या आत कारवाईचे आश्वासन दिल्याने संभाजी ब्रिगेडने तात्पुरते आंदोलन मागे घेतले. तसेच आठ दिवसांत परवाना रद्द करून फौजदारी कारवाई न झाल्यास दुय्यम निबंधक कार्यालयाला कुलूप ठोकण्याचा इशारा संभाजी ब्रिगेडचे केंद्रीय कार्यकारिणी सदस्य छगन शेरे यांनी दिला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 19, 2014 1:25 am

Web Title: sale stamp to increase rate in selu
टॅग Parbhani
Next Stories
1 ‘सुभेदारी’चे खासगीकरण होणार?
2 कळंब तहसीलला जिल्हाधिकाऱ्यांची अचानक भेट; कामे वेळेवर करण्याची तंबी
3 हज हाऊससाठी सत्ताधाऱ्यांची लगबग; सात दिवसांत निविदा निघण्याची शक्यता
Just Now!
X