News Flash

सांगलीत ९४ वर्षांच्या आजीची करोनावर मात

दोन्ही चाचण्या नकारात्मक आल्याने या महिलेने करोनावर मात केल्याचे स्पष्ट झाले.

संग्रहित छायाचित्र

कामेरी येथील ९४ वर्षांच्या आजीने करोनावर मात केली आहे. सोमवारी दुसरी करोना चाचणीही नकारात्मक आल्याने रुग्ण महिलेची रवानगी आता मिरजेतील शासकीय तंत्रनिकेतन मधील विलगीकरण कक्षामध्ये करण्यात आली असल्याची माहिती नोडल अधिकारी डॉ. संजय साळुंखे यांनी दिली.

वाळवा तालुक्यातील कामेरी येथील तरुणाला कृष्णा हॉस्पिटलमध्ये कार्यरत असताना करोनाची लागण झाली होती. यामुळे त्याच्या संपर्कात आलेल्या ९४ वर्षांच्या महिलेची करोना चाचणी २८ एप्रिल रोजी सकारात्मक आल्याने उपचारासाठी मिरजेतील करोना रूग्णालयात दाखल करण्यात आले होते. १४ दिवसाच्या उपचारानंतर या महिलेच्या सलग दोन करोना चाचण्या घेण्यात आल्या. दोन्ही चाचण्या नकारात्मक आल्याने या महिलेने करोनावर मात केल्याचे स्पष्ट झाले.

दरम्यान, सांगलीतील करोना बाधित रुग्णाच्या संपर्कात आलेल्या २१ जणांच्या स्वॅबचे नमुने मंगळवारी करोना चाचणीसाठी घेण्यात आले असून त्याचा अहवाल संध्याकाळी उशिरापर्यंत हाती येईल असे डॉ. साळुंखे यांनी सांगितले. अहमदाबादहून आलेल्या खानापूर तालुक्यातील साळिशगे येथील महिलेला करोनाची लागण झाल्याचे स्पष्ट झाल्यानंतर तिच्यासोबत आलेल्या ९ व्यक्तींना संस्थात्मक विलगीकरण कक्षात दाखल करण्यात आले असून तिच्या पतीचा अहवाल नकारात्मक आला आहे, मात्र अन्य आठ जणांच्या स्वॅबचा अहवाल प्रतीक्षेत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 13, 2020 12:10 am

Web Title: sangli 94 year old grandmother defeated corona abn 97
टॅग : Coronavirus
Next Stories
1 सातारा जिल्ह्य़ात तिघांना करोनाची बाधा
2 प्रशासनाच्या सतर्कतेमुळे पंढरपूर आजवर ‘करोनामुक्त’!
3 नगरसेवक फरारप्रकरणी पोलीस कर्मचारी निलंबित
Just Now!
X