News Flash

“ममता बॅनर्जींची तुलना आहिल्यादेवी होळकरांशी, इथेच संजय राऊतांची वैचारिक पातळी लक्षात आली”

होळकर घराण्याकडून मुख्यमंत्र्यांना पत्र देण्यात आलं आहे.

शिवसेनेचे नेते खासदार संजय राऊत. (संग्रहित छायाचित्र)

सामना या शिवसेनेचं मुखपत्र असलेल्या दैनिकातल्या लेखात पुण्यश्लोक अहिल्याबाई होळकर यांची तुलना ममता बॅनर्जी यांच्याशी केल्याप्रकरणी होळकर घराण्याकडून निषेध नोंदवण्यात आला आहे. होळकर घराण्याचे भूषणसिंह राजे होळकर यांनी मुख्यमंत्री उद्धव ठाकरे यांना पत्र लिहित निषेध नोंदवला आहे.

आपल्या या पत्रात होळकर यांनी या लेखावरुन संजय राऊत यांची वैचारिक पातळी लक्षात येत असल्याची टीका केली आहे. ते म्हणतात, “आपण, पक्ष, राजकारण म्हणून खुशाल एकमेकांवर चिखलफेक करा पण त्यामध्ये जर आपण राष्ट्रपुरुषांची नावे वापरुन त्यांची तुलना जर आजच्या नेत्यांशी करत असाल तर हे बिलकुल खपवून घेतले जाणार नाही.”

या पत्रात त्यांनी ममता बॅनर्जी यांना राजकीय द्वेषातून आपल्याच लोकांवर अत्याचार करणारा नेता असंही संबोधलं आहे. तसंच अहिल्याबाईंचे विचार आचरणात आणून त्यांच्यासारखी कृती केल्यावर जनता आपली योग्यता ठरवेल असंही ते म्हणाले.

आपल्या पत्रात होळकर म्हणतात, “रयतेचे कल्याण हेच सर्वोपरी मानून संपूर्ण देशात काम करणाऱ्या पुण्यश्लोक अहिल्या मासाहेब यांची तुलना राजकीय द्वेषातून आपल्याच लोकांवर अत्याचार करणाऱ्या आजच्या युगातल्या एका नेत्याशी कधीच होऊ शकणार नाही. आधी अहिल्या मासाहेबांचे विचार आचरणात आणा, त्यांच्यासारखा रयतेचा सांभाळ करा, मग जनता ठरवेल आपण त्या योग्यतेचे आहात की नाही.”

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 10, 2021 9:25 pm

Web Title: sanjay raut compared mamata banerjee with ahilyabai holkar vsk 98
Next Stories
1 ४५ वयापुढील साडेपाच लाख लोकांसाठी ‘कोव्हॅक्सिन’चा दुसरा डोस उपलब्ध नाही!
2 ‘म्युकरमायकोसीस’च्या रुग्णांवर महात्मा फुले जनआरोग्य योजनेतून मोफत उपचार होणार!
3 “दर्जेदार काम करा नाहीतर काळ्या यादीत टाकू”, अशोक चव्हाणांचा कंत्राटदारांना इशारा
Just Now!
X