जिल्ह्य़ात ‘डॉ. बाबासाहेब आंबेडकर संकल्पित रिपाइं’ पक्ष विधानसभेच्या सहा जागा लढविणार असल्याची माहिती पक्षाचे उत्तर महाराष्ट्र अध्यक्ष प्रकाश पगारे यांनी दिली आहे. सिडको-सातपूर, देवळाली, दिंडोरी, देवळा, निफाड, येवला या मतदारसंघांत पक्षातर्फे उमेदवार उभे करण्यात येणार आहेत. डॉ. बाबासाहेब आंबेडकर यांनी दिलेल्या शिकवणुकीप्रमाणे समाजातील उपेक्षितांना न्याय मिळवून देण्यासाठी संकल्पित रिपाइं सातत्याने नाशिक जिल्ह्य़ात व उत्तर महाराष्ट्रात काम करीत असल्याचे पगारे यांनी निवेदनात नमूद केले आहे. संकल्पित रिपाइंबरोबर आघाडी करण्यासाठी दलित विकास महासंघ, भारतीय बहुजन सेना आदी संघटनांशी चर्चा सुरू असल्याचे निवेदनात म्हटले आहे.
