06 August 2020

News Flash

सातारा : माण तालुक्यात गांजाच्या शेतीवर पोलिसांची धाड; आठ लाखांचा माल जप्त

तिघांना अटक

सातारा : माण तालुक्यात गांजाच्या शेतीवर गुन्हे अन्वेशष विभागाची धाड. ८ लाखांचा माल जप्त.

बनगरवाडीत (ता. माण) गांजाच्या शेतीवर स्थानिक गुन्हे अन्वेषण विभागाने धाड टाकून सुमारे पावणे आठ लाखांचा गांजा जप्त केला. यावेळी पोलिसांनी तिघांना ताब्यात घेतले आहे.

बनगरवाडी (ता. माण) येथील शिंगाडेचे शेत नावाच्या शिवारामध्ये एका व्यक्तीने गांजाची शेती केली असल्याची गोपनीय माहिती स्थानिक गुन्हे शाखेला समजली होती. त्यानुसार सातार्‍यातील स्थानिक गुन्हे शाखेचे पोलीस निरीक्षक सर्जेराव पाटील यांच्या नेतृत्वाखाली म्हसवड पोलिसांनी त्या गांजाच्या शेतीवर धाड टाकली. यावेळी गांजाच्या झाडांची पाने तोडत असताना तिघेजण आढळून आले. या तिघांचीही विचारपूस केली असता ही झाडे गांजाची बाजारात विक्री करण्यासाठी लावण्यात आल्याची कबुली दिली.

जिल्ह्यात मागील काही वर्षातील प्रथमच अंमली व मादक द्रव्याची सर्वात मोठी कारवाई झाल्याने जिल्ह्यात खळबळ उडाली असून गांजासारख्या अंमली पदार्थ तयार करण्यास शासनाचा प्रतिबंध असतानाही बनगरवाडीमध्ये गांजाची शेती करुन त्याची तस्करी करणार्‍या तिघांना स्थानिक गुन्हे अन्वेषण विभागाने ताब्यात घेतले आहे. त्यांच्यावर अंमली व मादक द्रव्य पदार्थांच्या तस्करीविरोधी गुन्ह्याची नोंद म्हसवड पोलिसांत झाली आहे.

या कारवाईबद्दल पोलीस अधीक्षक तेजस्वी सातपुते, अप्पर पोलीस अधीक्षक धीरज पाटील यांनी स्थानिक गुन्हे अन्वेषण विभागाचे अभिनंदन केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 5, 2020 9:48 pm

Web Title: satara police raid cannabis farm in maan taluka goods worth rs 8 lakh seized aau 85
Next Stories
1 वर्धा : करोना प्रतिबंधात्मक आदेशांचे उल्लंघन केल्याप्रकरणी ५० लाखांचा दंड वसूल
2 राज्यातील करोना रुग्णांमध्ये ६,५५५ची भर; मुंबईत ६९ जणांचा मृत्यू
3 वर्धा : गुरु पौर्णिमेनिमित्त पूजेसाठी गेलेले दोन तरुण सेल्फीच्या नादात तलावात बुडाले
Just Now!
X