News Flash

शेकापचे ज्येष्ठ नेते भाई एस.एम.पाटील यांचे निधन

रयत शिक्षण संस्थेचे ते उपाध्यक्ष होते.

शेकापचे ज्येष्ठ नेते भाई एस.एम.पाटील यांचे निधन
शेतकरी कामगार पक्षाचे ज्येष्ठ नेते माढ्याचे माजी आमदार भाई एस.एम.पाटील (वय ९२) यांचे रविवारी वृद्धापकाळाने निधन झाले.

सोलापूर जिल्ह्यातील शेकापचे ज्येष्ठ नेते, माजी आमदार भाई संपतराव मारूती तथा एस.एम. पाटील (वय ९२) यांचे वृद्धापकाळाने व अल्प आजाराने पुण्यातील एका खासगी रूग्णालयात रविवारी दुपारी साडेबाराच्या सुमारास निधन झाले. जिल्ह्यात शेकापच्या माध्यमातून शेतकरी, शेतमजूर व कामगारांच्या प्रश्नावर त्यांनी अनेक वर्षे चळवळ उभी केली होती. रयत शिक्षण संस्थेचे ते उपाध्यक्ष तर सोलापूर जिल्हा मध्यवर्ती सहकारी बँकेचे तब्बल ४० वर्षे संचालक व जिल्हा परिषदेचेही ते काही वर्षे सदस्य होते.

१९५२ ते १९६२ पर्यंत माढा विधानसभा मतदारसंघ राखीव होता. त्यानंतर १९६७ साली हा मतदारसंघ खुला झाल्यानंतर शेकापतर्फे भाई एस.एम.पाटील हे प्रथमच विधानसभेवर निवडून आले होते. त्यानंतर १९७२ व १९७८ सालीही त्यांनी विधानसभेची निवडणूक लढवली होती. काही वर्षांपूर्वी त्यांच्या पत्नीचे निधन झाले होते. जलतज्ज्ञ अनिल पाटील यांचे ते वडील होत. त्यांचे पार्थिव सांयकाळी पुण्याहून वरवडे (ता. माढा) या त्यांच्या मूळगावी आणण्यात येणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 22, 2017 4:55 pm

Web Title: senior leader bhai sm patil dies
Next Stories
1 बंदी असलेले कीटकनाशक विकणाऱ्यांवर आणि कंपनीवर गुन्हे दाखल करा : मुख्यमंत्री
2 मनसेने फेरीवाल्यांऐवजी सीमेवर जाऊन पाकच्या सैनिकांना मारावे : आठवले
3 पिस्तूलातून स्वत:वर गोळी झाडून जमीन व्यावसायिकाची आत्महत्या
Just Now!
X