02 April 2020

News Flash

शरद पवारांची पोलिसांसाठी ‘बॅटिंग’; गृह मंत्र्यांना लिहिले पत्र

पोलीस कर्मचाऱ्यांना निष्कारण सहन करावा लागतो त्रास

संग्रहित छायाचित्र

राज्यातील विविध विषयांचा योग्यरित्या निपटारा करण्यासाठी नेहमी पुढाकार घेणारे राष्ट्रवादीचे सर्वेसर्वा शरद पवार यांनी यावेळी पोलिसांसाठी ‘बॅटिंग’ केली आहे. पोलिसांचे प्रश्न सोडवा, अशी मागणी त्यांनी गृहमंत्री अनिल देशमुख यांना केली आहे. तसं पत्रही त्यांनी गृहमंत्र्यांना लिहिलं आहे.

स्व. गुलाबराव पाटील मेमोरियल ट्रस्टच्या रौप्यमहोत्सवी सांगता समारंभानिमित्त मिरजमधील आयोजित कार्यक्रमात उपस्थितांशी संवाद साधला. राज्यातील मंत्री, अतिमहत्त्वाच्या व्यक्ती यांच्या दौऱ्यांप्रसंगी गर्दी नियंत्रण, कायदा-सुव्यवस्था आणि सुरक्षिततेच्या दृष्टीने तैनात असलेल्या पोलिसांच्या प्रश्नांकडे पवारांनी यावेळी लक्ष वेधले.

पवार म्हणाले की, ”जाहीर सभा वा दौऱ्यांच्या ठिकाणी अतिमहत्त्वाच्या व्यक्तींच्या आगमन व प्रस्थानावेळी पोलीस प्रशासनावर विशेष ताण असतो. इतर वेळी पोलीस कर्मचाऱ्यांना तासनतास तिष्ठत उभे राहावे लागते. केवळ पोलीस कर्मचारीच नाही तर अशा सभाप्रसंगी पोलीस अधीक्षक व वरिष्ठ पोलीस अधिकारीदेखील तिष्ठत उभे राहतात.”

”सभेच्या बंदोबस्तावेळी पोलीस कर्मचारी-अधिकारी यांनी तत्पर व सज्ज असावयास हवे, मात्र सभा सुरळीत सुरू असताना विशेषत: महिला पोलीस कर्मचाऱ्यांना निष्कारण त्रास सहन करावा लागतो, असे मला वाटते. तसेच वरिष्ठ पोलीस अधिकाऱ्यांनी देखील तिष्ठत राहणे मला उचित वाटत नाही,” असं मत पवार यांनी पत्रात मांडलं.

`

त्यामुळे सभा शांततेत शुरू असताना महिला पोलीस कर्मचारी, वरिष्ठ पोलीस अधिकारी आणि इतर पोलीस कर्मचाऱ्यांना आवश्यकतेनुसार बसण्यासाठी खुर्ची अथवा आसन उपलब्ध करून देण्याविषयक संयोजकांना मार्गदर्शक सूचना दिल्या जाव्यात. पोलीस कर्मचारी-अधिकाऱ्यांना गृह विभागामार्फत तशी मुभा असावी, अशी विनंती करणारे पत्र मी महाराष्ट्र राज्याच्या गृहमंत्र्यांना पाठवले आहे. गृहमंत्री या बाबीकडे वैयक्तिक लक्ष देतील, अशी मला अपेक्षा आहे, असंही पवार यांना म्हटलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 13, 2020 6:37 pm

Web Title: sharad pawar wrote letter to home minister of maharashtra pkd 81
टॅग Ncp,Sharad Pawar
Next Stories
1 कोल्हापूर:पळून गेलेली मुलगी वडिलांसाठी झाली स्वर्गवासी,बोर्ड लावून श्रद्धांजली
2 कोणाला लागू नाही होणार पाच दिवसांचा आठवडा? वाचा सविस्तर
3 सत्तेसाठी शिवसेना किती काळ लाचार राहणार?-देवेंद्र फडणवीस
Just Now!
X