News Flash

शिवजयंती हा सण आहे, तो तिथीप्रमाणेच साजरा झाला पाहिजे – राज ठाकरे

शिवजयंती हा आपला सण आहे, कोणाचा वाढदिवस नाही असं सांगत मनसे अध्यक्ष राज ठाकरे यांनी शिवजयंती तिथीप्रमाणचे साजरी झाली पाहिजे असं म्हटलं आहे

शिवजयंती हा आपला सण आहे, कोणाचा वाढदिवस नाही असं सांगत मनसे अध्यक्ष राज ठाकरे यांनी शिवजयंती तिथीप्रमाणचे साजरी झाली पाहिजे असं म्हटलं आहे. छत्रपती शिवाजी महाराजांची जयंती, राज्याभिषेक हे उत्सव तिथी आणि तारखेनुसार साजरे करण्यावरुन नेहमी वाद होत असतात. राज ठाकरे रायगड जिल्ह्यात असून शिवप्रेमींनी महाड येथे राज ठाकरे त्यांची भेट घेऊन शिवराज्याभिषेक सोहळ्याचे आमंत्रण दिले. यावेळी बोलताना त्यांनी हे वक्तव्य केलं.

“महाराजांचा जन्म हा आपला सण आहे, तो वाढदिवस नाही कुणाचा. जर तो सण असेल तर तो तिथीलाच येतो, आणि त्यानुसारच साजरा झाला पाहिजे. खरं तर त्यांची जयंती आपण 365 दिवस साजरी करावी”, असं राज ठाकरेंनी म्हटलं आहे.

“एके दिवशी मी जयंत साळगावकरांना भेटलो होतो. त्याला जवळपास १५ वर्ष झाली. तेव्हा मी त्यांना शिवजयंती तारखेने की तिथीने साजरी करायची या वादासंबंधी विचारलं होतं. तेव्हा त्यांनी शिवाजी महाराजांची जयंती केवळ उत्सव नव्हे तर तो आपला सण आहे असं सांगितलं होतं”, अशी आठवण राज ठाकरेंनी सांगितली.

शिवजयंती ३६५ दिवस साजरी केली तरी काही हरकत नाही असं मत यावेळी राज ठाकरेंनी व्यक्त केलं. यावेळी त्यांनी सण का तिथीने साजरे करता ? दिवाळी गेल्यावर्षी ज्या तारखेली होती त्याच तारखेला यावर्षीही करता का ? असा प्रश्न विचारला.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 16, 2018 4:48 pm

Web Title: shivjayanti should be celebrated on tithi says raj thackeray
Next Stories
1 चंद्रपूरमधल्या आदिवासी विदयार्थ्यांनी केला एव्हरेस्ट सर
2 सत्ता आहे म्हणून दुरुपयोग करु नका, राज ठाकरेंनी भाजपाला सुनावलं
3 मतांच्या टक्केवारीत भाजपचा विजय नाही ; अशोक चव्हाण यांचा दावा
Just Now!
X