शिवसेनेचे राज्यसभा खासदार आणि सामना वृत्तपत्रात आपल्या अग्रलेखांमधून विरोधकांवर आसून ओढणारे संजय राऊत आता संपूर्ण देशाला परिचित झालेले आहेत. महाराष्ट्रात भाजप-शिवसेना सरकार असतानाही संजय राऊत आपल्या लेखणीतून तत्कालीन फडणवीस सरकारवर सतत टिकेचे आसूड ओढायचे. यानंतर राज्यात शिवसेना-राष्ट्रवादी काँग्रेस आणि काँग्रेस या ३ पक्षांनी एकत्र येऊन महाआघाडी सरकार स्थापन केलं. यामध्येही संजय राऊतांनी मोठी भूमिका बजावली होती. मध्यंतरी संजय राऊत यांच्यावर अँजिओप्लास्टीही झाली होती. मात्र आज त्यांचं एक अनोखं रुप लोकांना पहायला मिळालं आहे. संजय राऊत यांची मुलगी पुर्वशी राऊतने आपल्या फेसबूक अकाऊंटवर राऊत यांचा पेटी वाजवताना एक व्हिडीओ पोस्ट केला आहे. आपल्या वडिलांची राजकारणा पलिकडची बाजू पुर्वशीने उलगडवून दाखवली आहे. दरम्यान, करोनाचा वाढता फैलाव रोखण्यासाठी राज्य सरकारडून सर्वतोपरी प्रयत्न सुरु आहेत. सर्वजण मिळून करोनावर मात करूयात. संकट गंभीर आहे. पण हे सरकारही खंबीर आहे. असा विश्वास मुख्यमंत्री उद्धव ठाकरे यांनी राज्यातील जनतेला दिला आहे. टेहळणी किंवा फेरफटका मारायला घराबाहेर पडू नका, कृपया घरात राहा, सुरक्षित राहा असं आवाहन यावेळी राज्यातील जनतेला केलं. बुधवारी व्हिडिओद्वारे संवाद साधताना मुख्यमंत्र्यांनी पुन्हा लोकांना सहकार्य करावं असं आवाहन केलं.
