02 June 2020

News Flash

मुंबईहून कोल्हापुरात आले, सोबत आणलेल्या व्यक्तीवर अंत्यसंस्कार केले अन् गायब झाले

या प्रकाराची चौकशी केली जावी. अशी मागणी खासदार धैर्यशील माने यांनी केली आहे.

मुंबईहून आलेल्या व्यक्तीवर मृतदेहावर अंत्यसंस्कार केले आणि त्यानंतर ते गूढ रित्या गायब झाले. हा सर्व प्रकार संशयास्पद असल्याने रुकडी गावांमध्ये या प्रकाराची सखोल चौकशी व्हावी अशी मागणी केली जात आहे. या प्रकरणातील सारे संदर्भ पाहता गोंधळ खूपच गोंधळ असल्याचे दिसत आहे.

मुंबई येथे राहणारे सात लोक इनोवा मोटारीतून हातकणंगले तालुक्यातील रुकडी या गावी आले हे. गाव खासदार धैर्यशील माने यांचे गाव म्हणून परिचित आहे. या गावात येण्यापूर्वी त्यांनी किनी टोलनाका तसेच गावाच्या चेकपोस्टवर केलेल्या नोंदी या वेगवेगळ्या असून त्या संशय वाढवणाऱ्या आहेत.  या लोकांनी आजारी व्यक्तीवर उपचार करण्यासाठी गावी जात असल्याचे अनेकांना सांगितले होते. ते रूकडीत आल्यानंतर आजारी व्यक्तीला प्राथमिक आरोग्य केंद्रामध्ये नेले होते. डॉक्टरांनी तपासणी केल्यानंतर व्यक्ती मृत असल्याचे आढळले. या व्यक्तीचा स्वॅब अहवाल निगेटिव्ह होता.

याची माहिती प्रशासन पोलिस यांना देण्यात आली. त्यांनी अनुमती दिल्यानंतर गावातील काही व्यक्तींनी मृतदेहावर अंत्यसंस्कार केले.
दरम्यान मृतदेह घेऊन येणाऱ्या व्यक्तींना संजय घोडावत कॉलेजच्या अलगीकरण केंद्रांमध्ये थांबवून ठेवण्यात आले होते. त्यांना कोल्हापुरातील सीपीआर रुग्णालयात स्वॅब घेण्यासाठी सरपंच,उपसरपंच घेऊन आले. त्यांना सोडून ते परत आले. पुन्हा त्यांचा स्वॅब अहवालाची माहिती घेण्यासाठी चौकशी केली असता त्यांनी चाचणी न देताच पलायन केल्याचे आढळून आले. हा सर्व प्रकार संशयास्पद आहे. यामुळे या प्रकाराची चौकशी केली जावी. अशी मागणी खासदार धैर्यशील माने यांनी लोकसत्ताशी बोलताना केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 19, 2020 10:44 am

Web Title: six people coming from red zone mumbai and cremated person kolhapur rukadi nck 90
टॅग Coronavirus
Next Stories
1 कोल्हापूरमध्ये कामगार पुन्हा रस्त्यावर
2 रत्नाकर मतकरींच्या साहित्य ठेव्याचे आपटे वाचन मंदिरात होणार जतन!
3 संस्थात्मक अलगीकरणाचा ‘कोल्हापूर पॅटर्न’; खासदार धैर्यशील माने यांचा नवा प्रयोग
Just Now!
X