News Flash

गुजरातेतील ट्रक अपघातात साक्रीतील सहा ऊसतोड मजूर ठार

धुळ्याच्या पिंपळनेर परिसरातील सहा ऊसतोड मजूर गुरुवारी सायंकाळी गुजरातमध्ये झालेल्या ट्रक अपघातात ठार झाले. १३ जण जखमी झाले असून गंभीर जखमींवर व्यारा येथील रूग्णालयात उपचार

| April 12, 2013 02:55 am

धुळ्याच्या पिंपळनेर परिसरातील सहा ऊसतोड मजूर गुरुवारी सायंकाळी गुजरातमध्ये झालेल्या ट्रक अपघातात ठार झाले. १३ जण जखमी झाले असून गंभीर जखमींवर व्यारा येथील रूग्णालयात उपचार सुरू आहेत.
साक्री तालुक्यातील पिंपळनेर परिसरात राहणारे बहुतांश जण दरवर्षी गुजरातमध्ये ऊस तोडणीच्या कामासाठी जात असतात. यंदाही सुरत जिल्ह्यातील बारडोली परिसरात असलेल्या साखर कारखान्यातंर्गत ऊस तोड कामासाठी साक्री तालुक्यातून अनेक मजूर गेले होते. गळिताचा हंगाम बंद झाल्याने ऊस तोडीचे कामही बंद झाले. कामच न राहिल्याने मजुरांनी आपआपल्या गावांकडे परतण्यास सुरूवात केली.
गुरुवारी दुपारी एका ट्रकमधून सुमारे २८ मजूर ओझर- हिंदोला मार्गे पिंपळनेरकडे येत असताना सोनगडपासून २६ किलोमीटरवरील ओझर गावाजवळ सायंकाळी पाचच्या सुमारास चालकाचे नियंत्रण सुटल्याने ट्रक पुलावरून कोसळला. ट्रकखाली दाबले गेल्याने सहा मजूर जागीच ठार झाले. ठार झालेल्यांमध्ये मालीबाई तोगडय़ा सूर्यवंशी (५०), अनिता अनिल नाईक (५), खाटूबाई सोंडल्या नाईक (२७), संतोलिया जंगल्या नाईक (६०, सर्व राहणार मादलपाडा), विमलबाई बन्सी नाईक (३५, जामखेल, ता. साक्री), अलका दाबिक्या नाईक (३०, रायनपाडा, ता. साक्री) यांचा समावेश आह़े

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 12, 2013 2:55 am

Web Title: six sugar worker killed in an road accident
टॅग : Killed
Next Stories
1 गडचिरोलीमध्ये चकमकीत चार नक्षलवाद्यांसह, तीन नागरिक मृत्युमुखी
2 यंदा पूर्वार्धात बरे, तर उत्तरार्धात दगा देणारे पाऊसमान
3 काँग्रेसला शंभरपेक्षाही कमी जागा मिळतील – बाबा रामदेव
Just Now!
X