03 April 2020

News Flash

जुगारी मुख्याध्यापकासह सहा शिक्षक निलंबित

शाळेच्या खोलीमध्ये जुगार खेळत असताना अटक करण्यात आलेल्या मुख्याध्यापकासह सहा शिक्षकांना शिक्षण विभागाने निलंबित केले.

| August 21, 2015 01:40 am

शाळेच्या खोलीमध्ये जुगार खेळत असताना अटक करण्यात आलेल्या मुख्याध्यापकासह सहा शिक्षकांना शिक्षण विभागाने निलंबित केले.
वसमत येथील पूर्णा साखर कारखान्याच्या परिसरात असलेल्या शिवाजी विद्यालयाचे मुख्याध्यापक भगवान लहाने व त्यांचे सहकारी शिक्षक एस. टी. नरवाडे, एस. आर. कांबळे, एस. एन. साळवे, आर. यू. शिंदे, एन. ए. सोनटक्के हे सर्व विद्यालयातील वर्गखोलीत ८ ऑगस्टला पत्त्याचा तिरट्र नावाचा जुगार खेळत असताना वसमत ग्रामीण पोलिसांनी त्यांना पकडले होते. शाळेत शिक्षकच जुगार खेळत असल्यामुळे हा विषय जिल्हाभर चांगलाच गाजला. मुख्याध्यापकासह सहा शिक्षकांना न्यायालयासमोर उभे केले असता त्यांची जामिनावर सुटका झाली. या शिक्षकांकडून १ लाख ६८ हजार ९१० रुपयांचा माल जप्त केला होता.
या प्रकाराची गंभीर दखल घेत जिल्हा शिक्षणाधिकाऱ्यांनी मुख्याध्यापक लहाने, िशदे साळवे, कांबळे, नरवाडे, सोनटक्के यांना निलंबित केल्याचे आदेश बजावले. या विद्यालयात पहिली ते दहावीपर्यंतचे वर्ग चालतात. या ठिकाणी १३ शिक्षकांची नियुक्ती आहे. सुमारे ४३५ विद्यार्थी संख्या आहे. मुख्याध्यापकासह सहा शिक्षकांना निलंबित केल्याने विद्यार्थ्यांचे शैक्षणिक नुकसान होत असून, या शिक्षण संस्थेकडून कोणते पाऊल उचलले जाते, याकडे सर्वाचे लक्ष लागले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 21, 2015 1:40 am

Web Title: six teacher suspended with prodigal headmaster
टॅग Hingoli
Next Stories
1 लातूर, बीड, उस्मानाबादेत चारा छावण्यांना परवानगी
2 दोन महिन्यांची प्रतीक्षा संपवून उस्मानाबादेत पाऊस बरसला
3 वेळापत्रकापूर्वीच प्रश्नपत्रिका!
Just Now!
X