20 September 2020

News Flash

समाजकल्याण अधिकारी लाचलुचपतच्या जाळय़ात

अल्पसंख्याक बहुल खासगी शाळेस मिळणाऱ्या अनुदान प्रस्तावाच्या छाननीसाठी शिक्षिकेमार्फत ४० हजार रुपयांची लाच घेतल्याच्या आरोपावरून समाजकल्याण अधिकारी जयश्री रावण सोनकवडे हिला लाचलुचपत विभागाच्या अधिकाऱ्यांनी अटक

| September 20, 2014 01:20 am

अल्पसंख्याक बहुल खासगी शाळेस मिळणाऱ्या अनुदान प्रस्तावाच्या छाननीसाठी शिक्षिकेमार्फत ४० हजार रुपयांची लाच घेतल्याच्या आरोपावरून समाजकल्याण अधिकारी जयश्री रावण सोनकवडे हिला लाचलुचपत विभागाच्या अधिकाऱ्यांनी अटक केली. चार शाळांच्या प्रस्तावासाठी प्रत्येकी दहा हजार रुपये संस्थाचालकांकडून सिल्लोड येथे निवासी अपंग शाळेत नोकरी करणाऱ्या शिक्षिकेने घेतले. दुपारी १ वाजून १५ मिनिटांनी ही कारवाई करण्यात आली.
अखिल महाराष्ट्र ग्रामीण विकास मंडळ व अक्षर विकास शिक्षण प्रसारक मंडळाच्या वतीने कन्नड, सिल्लोड व औरंगाबाद येथील जटवाडा रस्ता येथे अपंग व विशेष गरजा असणाऱ्या मुलांसाठी शाळा चालविली जाते. अल्पसंख्य बहुल शाळांना पायाभूत सुविधांसाठी अनुदान देण्याची सरकारची योजना आहे. अनुदानाचा प्रस्ताव जिल्हाधिकारी कार्यालयाने छाननीसाठी समाजकल्याण विभागाकडे पाठविला होता. छाननीनंतर प्रस्ताव परत जिल्हाधिकाऱ्यांकडे पाठविण्यासाठी समाजकल्याण अधिकारी सोनकवडे हिने प्रत्येकी दहा हजार रुपये मागितले. ही रक्कम अपंग निवासी विद्यालयाची शिक्षिका संगीता पाटील कोलते हिच्याकडे देण्यास सांगितले. दुपारी हडको परिसरातील घरी शिक्षिका पाटीलने लाच स्वीकारली. त्यानंतर अधिकाऱ्यास अटक केल्याची माहिती पोलीस उपअधीक्षक प्रकाश कुलकर्णी यांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 20, 2014 1:20 am

Web Title: social welfare officer arrested in corruption
Next Stories
1 ‘शिवसेनेने माघार घ्यावी, भाजपनेही आग्रह सोडावा’
2 समता कॉलनीत पती-पत्नीचा निर्घृण खून
3 चौंडीतूनच भाजपची सत्तापरिवर्तन यात्रा- अमित शहा
Just Now!
X