चहा विकून सीए करणारा सोमनाथ गिराम शिक्षण विभागाकडून चालवण्यात येणाऱ्या ‘कमवा व शिका’ योजनेचा ‘ब्रँड अँम्बेसिडर’ झाला खरा पण एका अपघातामुळे आज त्याची परिस्थिती दयनीय झाली असून, सरकारकडून पुरेशी आर्थिक मदत न मिळाल्यामुळे सोमनाथची गेल्या काही महिन्यांपासून परवड सुरू आहे. सरकारने आपल्याला मदत करावी, अशी अपेक्षा त्याने व्यक्त केलीये.

घरची परिस्थिती बिकट असल्याने सोममाथने पुण्यात चहाचे दुकान चालू केले होते. त्यानंतर काम करत शिक्षण पूर्ण करुन जानेवारी २०१७ मध्ये सोमनाथ सी.ए. झाला. त्यांच्या या कामगिरीबद्दल सरकराने त्याला १८ एप्रिल २०१६ ला ‘कमवा आणि शिका’ या योजनेचा ब्रँड अॅम्बेसिडर म्हणून नियुक्त केले होते. सोमनाथ त्याचा भाऊ श्रीकांत गिराम व गणेश गिराम यांच्यासोबत अकलूज-टेंभर्णी रस्त्यावरून जात असताना ८ सप्टेंबर रोजी त्यांची गाडी पलटी होऊन त्यांना अपघात झाला. त्यामध्ये गिराम यांच्या मज्जारज्जूवर परिणाम झाल्यामुळे कमरेपासून खालची बाजू निकामी झाली. सोमनाथ सध्या घरी झोपून असतो. त्याच्या कुटुंबाची संपूर्ण जबाबदारी शेतकरी असलेले त्याचे वडील बळीराम गिराम बघतात. या अपघातानंतर सोमनाथला पुण्यातील रुग्णालयात दाखल करण्यात आले होते. परंतु, २४ डिसेंबरला दवाखान्यातून सोडल्यानंतर त्याला सरकारकडून ठोसपणे कोणतीही मदत मिळालेली नाही.

Elders Recreate Butterfly Song Dance cute video goes Viral
आयुष्य हे मनसोक्त जगावं! ‘बटरफ्लाय’ गाण्यावर वृद्ध लोकांचा भन्नाट डान्स, डान्स स्टेप्स एकदा पाहाच, VIDEO व्हायरल
Viral Video Teacher Getting Gift From His Student Thought it was a photograph but then turned out to be a sketch
VIDEO: विद्यार्थ्याने दिलं ‘असं’ खास सरप्राईज की, शिक्षकाला डोळ्यावर बसेना विश्वास; भेटवस्तू पाहून म्हणाले…कलाकार
a drunk teacher entering a government school in Chhattisgarhs Bilaspur district carrying a liquor bottle in his pocket
धक्कादायक! मद्यपान करून शिक्षकाने सरकारी शाळेत लावली हजेरी, म्हणाला “मी रोज पितो..”; पाहा व्हायरल VIDEO
wagonr converted to pickup van see desi jugaa viral video
पठ्ठ्याच्या क्रिएटिव्हिटीला तोड नाही! जुगाडद्वारे बनविला वॅगनआर कारचा टेम्पो; VIDEO पाहून युजर्स अवाक्

सोमनाथ याने इतर विद्यार्थ्यांसमोर एक आदर्श उभा केला आहे. कमवा आणि शिका योजनेचा ब्रँड अ‍ॅम्बेसिडर म्हणून सोमनाथ यापुढे काम करेल, असे शिक्षणमंत्री विनोद तावडे यांनी पुण्यातील कार्यक्रमात म्हटले होते. अपघातानंतर काही दिवस दवाखान्यातील खर्च उचलण्याची जबाबदारी विनोद तावडे यांनी घेतली होती. पण काही दिवसांनी त्यांच्याकडूनही मदत बंद झाल्याचे सोमनाथने म्हटले आहे.
कमरेपासून खालची बाजू पूर्णपणे निकामी झाल्याने मला कसलीही हालचाल करता येत नाही. लहान भाऊ आणि वडिलांचा पूर्ण वेळ माझी देखभाल करण्यात जातो. त्यातच सरकारने दवाखान्याचाच खर्च दिला नाही तर इतर अपेक्षा कशी करु. कमीत कमी सरकारने मला शासकीय नोकरीत घ्यायला हवे, असे सोमनाथने म्हटले आहे.