शेतकरी सन्मान योजनेचे मिळालेले पैसे मला का देत नाही, असे म्हणत मुलाने आपल्या वडिलांना मारहाण केल्याची घटना हिमायतनगर तालुक्यातील धानोरा (ज.) येथे घडली. पंतप्रधान शेतकरी सन्मान योजनेची काही रक्कम गंगाराम भुमा आमेवाड यांच्या खात्यावर जमा झाली होती. ही रक्कम गंगाराम आमेवाड यांनी उचलली. आपल्या वडिलांनी त्यांच्या खात्यात जमा झालेले शेतकरी सन्मान योजनेचे पसे उचलल्याची माहिती त्यांच्या मुलास मिळाल्यानंतर त्याने पशासाठी तगादा लावला. वडील पैसे देत नसल्याचे लक्षात आल्यानंतर मुलाने त्यांना शिवीगाळ करत मारहाण केली. या मारहाणीत वयोवृध्द गंगाराम आमेवाड यांच्या हाताचे हाड मोडले. या प्रकरणी हिमायतनगर पोलिसांनी मुलाविरुद्ध गुन्हा दाखल केला आहे.
