News Flash

विरोधी पक्ष संपवण्याचे सरकारचे राजकारण-प्रकाश आंबेडकर

टू जी घोटाळा प्रकरणातले सगळे आरोपी भाजपाची सत्ता असताना बाहेर आले असेही प्रकाश आंबेडकर यांनी म्हटले आहे

संग्रहित छायाचित्र

विरोधी पक्ष संपवण्याचे राजकारण हे सरकार करते आहे असा गंभीर आरोप वंचित आघाडीचे नेते आणि भारिप बहुजन महासंघाचे अध्यक्ष प्रकाश आंबेडकर यांनी केला. अजित पवार यांच्या चौकशीसाठी जे टायमिंग वापरलं जातं आहे ते राजकीय आहे असा वास येतो आहे. विरोधक एक एक करुन संपवायचं धोरण हे सरकार अवलंबतं आहे. टू जी घोटाळ्यातले सगळे आरोपी भाजपाची सत्ता असताना सुटले आहेत. फक्त विरोधी पक्षच नाही तर विरोधकांना संपवण्याचे प्रयत्न सुरु आहेत. चंद्रकांत पाटील हे एक उदाहरण आहेत. उद्धव ठाकरेंना विचारा की ते का बोलत नाहीत? कारण ब्लॅकमेलिंगची भीती सगळ्यांनाच आहे असंही प्रकाश आंबेडकर यांनी म्हटलं आहे.

राज्य सहकारी बँक घोटाळ्यासंदर्भात जो अहवाल आहे तो प्रकाशित का केला जात नाही? हा अहवाल मुख्यमंत्र्यांनी समोर आणावा अन्यथा डोंगर पोखरुन उंदिर काढला अशी परिस्थिती होईल. असंही प्रकाश आंबेडकर यांनी म्हटलं आहे. तसेच विधानसभा निवडणुकीसाठी एमआयएम सोबत युती कायम असेल असंही त्यांनी म्हटलं आहे. असुदुद्दीन ओवेसी यांच्यासोबत बैठक झाली की पुढची माहिती तुम्हाला देऊ असंही प्रकाश आंबेडकर यांनी पत्रकारांना सांगितलं.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 27, 2019 3:43 pm

Web Title: state government tries to finish opposition parties says prakash ambedkar scj 81
Next Stories
1 मुख्यमंत्री माझे राजकीय गुरु, गुरुदक्षिणा म्हणून अंगठा देण्यासही तयार – पंकजा मुंडे
2 मुंडे-मेटे यांच्यातील वैर महाजनादेश यात्रेतच चव्हाट्यावर
3 राज ठाकरे यांच्या कट्टर समर्थकाची गळफास घेऊन आत्महत्या
Just Now!
X