23 January 2021

News Flash

ऊसदर आंदोलनाला सांगलीत हिंसक वळण

रात्रीच्या वेळी सुरू असलेली चोरटी ऊस वाहतूक रोखण्यासाठी या वाहनांना आगी लावण्यात आल्या.

आष्टा येथे ट्रॅक्टर ट्रॉलीच्या चाकाला आग लावण्यात आली.

सांगली : ऊसदरासाठी सुरू असलेल्या आंदोलनाला शुक्रवारी पहाटे हिंसक वळण लागले असून, कामेरीतील राजारामबापू साखर कारखान्याचे कार्यालय आणि दोन ट्रॅक्टर ट्रॉलींना आगी लावण्याचे प्रकार घडले. स्वाभिमानी शेतकरी संघटनेने रविवारी चक्काजाम आंदोलनाचा इशारा दिला असतानाच तत्पूर्वी आंदोलनाने हिंसक वळण घेतले आहे.

मध्यरात्री वाळवा तालुक्यातील कामेरी येथे असलेल्या राजारामबापू सहकारी साखर कारखान्याच्या कार्यालयास अज्ञातांकडून आग लावण्यात आली. या आगीमध्ये कार्यालयात असलेल्या कागदपत्रांचे नुकसान झाले असून, आज सायंकाळपर्यंत या बाबत पोलीस ठाण्यात मात्र कोणतीही नोंद करण्यात आलेली नव्हती. तसेच आष्टा आणि मिरज तालुक्यातील वडी येथे दोन ट्रॅक्टर ट्रॉलींना आगी लावण्यात आल्या.

या वाहनातून ऊस वाहतूक करण्यात येत होती. रात्रीच्या वेळी सुरू असलेली चोरटी ऊस वाहतूक रोखण्यासाठी या वाहनांना आगी लावण्यात आल्या.

उसाला एफआरपी अधिक दोनशे रुपये प्रतिटन दर जाहीर करावा, अशी मागणी स्वाभिमानी शेतकरी संघटनेने जयसिंगपूर येथील ऊस परिषदेत केली आहे. या बाबत एफआरपीही देणे अशक्य असल्याचे सांगत कोल्हापूर जिल्हय़ातील साखर कारखाने बंद ठेवण्यात आले असले तरी सांगली जिल्हय़ातील काही कारखाने सुरू ठेवण्यात आले आहेत. कामगार  आणि वाहतूकदार यांच्यावर दबाव आणून ऊसतोड करण्यात येत असल्याचा आरोप खा. राजू शेट्टी यांनी केला. यानंतर हे आंदोलन तीव्र झाले आहे.

दरम्यान, संघटनेने ऊसदरासाठी रविवारी ऊसपट्टय़ातील चार जिल्हय़ांत चक्काजामचे आवाहन केले असून, या दिवशी महामार्गासह सर्वच ठिकाणी रास्ता रोको करण्यात येणार असल्याचे खा. शेट्टी यांनी जाहीर केले आहे. ऊसदरासाठी प्रसंगी कायदा हातात घेण्याचा इशाराही त्यांनी दिला असल्याने कार्यकत्रे आक्रमक झाले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 10, 2018 3:04 am

Web Title: sugarcane farmers agitation for higher prices takes violent turn
Next Stories
1 नोटबंदीची श्वेतपत्रिका निघावी-पृथ्वीराज चव्हाण
2 रक्तपाताविना सरकारला प्रश्नांची निकड कळत नाही – राजू शेट्टी
3 चारित्र्याच्या संशयावरून पत्नीचा गळा दाबून खून
Just Now!
X