24 September 2020

News Flash

सोलापूर जिल्ह्यात दिवसभरात दहा मृत्यू ; १९३ नवे करोना पॉझिटिव्ह

शहराच्या तुलनेत ग्रामीण भागातील रूग्णसंख्येत झपाट्याने वाढ

प्रतीकात्मक छायाचित्र

सोलापूर शहरात आज ४२ तर जिल्हा ग्रामीणमध्ये १५१ असे मिळून १९३ नवे करोनाबाधित रूग्ण  आढळले. दहा रूग्णांचा मृत्यू झाला. यात ग्रामीणमधील आठ मृतांचा समावेश आहे. शहराच्या तुलनेत ग्रामीण भागात करोनाबाधित रूग्णसंख्या झपाट्याने वाढत आहे.

आज जिल्ह्यात नव्याने आढळून आलेल्या करोनाबाधित रूग्णांमध्ये बार्शीतील सर्वाधिक ६४ रूग्णांचा समावेश आहे. तर पंढरपुरात २५, माढ्यात २१ रूग्ण सापडले. शहर व जिल्ह्यात मिळून आता ९ हजार २३७ रूग्णसंख्या झाली आहे. तर मृतांचा आकडा ४८७ वर पोहोचला आहे. तर करोनामुक्त होण्याची संख्या ५ हजार ६०१ झाली आहे. शहरातील ३ हजार २५२ आणि ग्रामीणमधील २ हजार ३४९ रूग्ण करोनामुक्त झाले आहेत. त्याचे एकूण प्रमाण ६०.६३ टक्के एवढे आहे.

शहरातील मृत्युचे प्रमाण अद्याप ७.१३ टक्के असून ते आजही राज्यात सर्वाधिक आहे. ग्रामीणमधील मृत्युंची संख्या वाढली असली, तरी त्याचे शेकडा प्रमाण अद्याप २.९३ वर आहे. शहर व जिल्ह्यात मिळून मृत्युचे प्रमाण ५.२७ टक्के आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 3, 2020 9:29 pm

Web Title: ten deaths in a day in solapur 193 new corona positive msr 87
टॅग Coronavirus
Next Stories
1 रायगड जिल्ह्यात दिवसभरात ३८८ नवे करोनाबाधित, आठ जणांचा मृत्यू
2 यवतमाळ जिल्ह्यात दिवसभरात तीन करोनाबाधितांचा मृत्यू, ७९ नवे रुग्ण
3 करोना रूग्णांना राखी बांधून परिचारिकांनी केली नात्यांची वीण अधिक घट्ट
Just Now!
X