06 July 2020

News Flash

महाराष्ट्रात करोनाचे नवे २३६१ रुग्ण, ७६ मृत्यू, संख्येने ओलांडला ७० हजारांचा टप्पा

गेल्या २४ तासात ७७९ रुग्णांना डिस्चार्ज

महाराष्ट्रात करोनाचे २३६१ रुग्ण आढळले आहेत. तर ७६ रुग्णांचा मृत्यू झाला आहे. त्यामुळे आता महाराष्ट्रातील रुग्णांची संख्या ७० हजार १३ इतकी झाली आहे.२४ तासात ७७९ करोना रुग्ण बरे झाले आहेत. आत्तापर्यंत ३० हजार १०८ रुग्ण बरे होऊन घरी गेले आहेत. राज्यात सध्याच्या घडीला ३७ हजार ५३४ रुग्ण अॅक्टिव्ह आहेत. आरोग्यमंत्री राजेश टोपे यांनी ही माहिती दिली आहे.

ज्या ७६ रुग्णांचा आज मृत्यू झाला आहे त्यापैकी ४५ रुग्ण पुरुष तर ३१ महिला होत्या. ७६ पैकी ३७ रुग्णांचे वय ६० वर्षे किंवा त्यापेक्षा जास्त होते. तर ३६ रुग्णांचे वय हे ४० ते ५९ इतके होते. तीन रुग्णांचे ४० वर्षांपेक्षा कमी होते. आज ज्या ७६ रुग्णांचा मृत्यू झाला त्यापैकी ५१ रुग्णांना मधुमेह, उच्च रक्तदाब, हृदयविकार हे गंभीर स्वरुपाचे आजार होते. आज नोंदवण्यात आलेल्या ७६ मृत्यूंपैकी ५४ मृत्यू गेल्या दोन दिवसांमधले आहेत.

इतर २२ मृत्यूंपैकी ९ मुंबईत, ५ नवी मुंबईत, ३ औरंगाबाद, २ रायगड, १ बीडमध्ये, १ मीरा भाईंदर तर १ ठाण्यात झाला आहे. ४ लाख ७१ हजार ५७३ रुग्णांच्या चाचण्यांपैकी ७० हजार १३ जणांचे अहवाल पॉझिटिव्ह आले आहेत. इतरांचे निगेटिव्ह आले आहेत.

सध्याच्या घडीला ५ लाख ६७ हजार ५५२ होम क्वारंटाइन करण्यात आलं आहे. ३६ हजार १८९ लोकांना संस्थात्माक क्वारंटाइन करण्यात आलं आहे. दरम्यान ७२ हजार ७०४ बेड्सही संस्थात्मक क्वारंटाइनसाठी उपलब्ध आहेत असंही आरोग्य विभागाने स्पष्ट केलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 1, 2020 8:21 pm

Web Title: the current count of covid19 patients in the state of maharashtra is 70013 newly 2361 patients have been identified as positive scj 81
टॅग Coronavirus
Next Stories
1 अकोल्यात घोषणेचा उतावीळपणा अन् नामुष्की ओढवली
2 ATKT असलेल्या विद्यार्थ्यांना नापास करणार का?; आशिष शेलारांचा मुख्यमंत्र्यांना सवाल
3 वर्धेकरांना काही काळ जिल्ह्यातील भाजीपाल्यावरच राहावं लागणार अवलंबून
Just Now!
X