News Flash

टाळेबंदी संपली तरीही लगेच उठणार नाहीत निर्बंध, सरकारी सूत्रांची माहिती

लॉकडाउन संपल्यानंतरही राज्यात जमावबंदी असेलच असं सरकारी सूत्रांनी म्हटलं आहे

संग्रहित छायाचित्र

धवल कुलकर्णी

करोनाच्या संकटाचा मुकाबला करण्यासाठी सध्या सुरू असलेली टाळेबंदी उठवली तरीही लगेच सारं काही आलबेल होईल असं नाही. ज्यावेळी लॉकडाउन उठवण्यात येईल त्यानंतर साधारणतः महिनाभर तरी राज्यातल्या प्रभावित ठिकाणी जमावबंदी लागू असेल आणि लोकांच्या मुक्त संचारावरही बंधने येतील अशी चिन्हं आहेत.

याबाबत सरकार मधील उच्चपदस्थ सूत्रांनी लोकसत्ता डॉट कॉम ला माहिती दिली. या सूत्रांच्या म्हणण्यानुसार टाळेबंदी वाढणार अशी चिन्हं आहेत. अर्थात तसे करणे हे सध्याच्या परिस्थितीशी सुसंगतच आहे. ही बंदी उठवल्यावर साधारणपणे महिनाभर का होईना लोकांच्या मुक्त संचारवर वर बंधन ठेवावी लागतील असे ते म्हणाले.

त्याच्यामुळे कदाचित महिनाभर का होईना पण राज्यात संचारबंदी लागू असेल. यादरम्यान उपहारगृहे, मॉल, आणि इतर सार्वजनिक ठिकाणांवर बंधनं असतील. लोकांनी एकाच ठिकाणी गर्दी करु नये यासाठी घेण्यात आलेली ही खबरदारी असणार आहे. करोनाचा धोका अदयाप टळलेला नाही. त्यामुळे या कालावधीत घर ते ऑफिस आणि ऑफिस ते घर इतक्याच परिघात लोकांना वावरावं लागेल.

या सूत्राच्या म्हणण्यानुसार अन्य राज्यातले महाराष्ट्रात काम करणारे मजूर टाळेबंदीची चाहूल लागल्यावर आपापल्या राज्यांमध्ये निघून गेले आहेत. हे लोक महाराष्ट्रात कधी परत येतात यावर बांधकाम व वस्त्रोद्योगासारख्या क्षेत्रांचे भवितव्य अवलंबून आहे. टाळेबंदीनंतर येऊ घातलेल्या आर्थिक संकाटाला सामोरे जाणे हे कठीण होणार आहे. त्याच वेळेला कायदा व सुव्यवस्था ढासळू नये यासाठीसुद्धा पोलीस व अन्य यंत्रणांना कायम सतर्क राहावे लागणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 11, 2020 1:34 pm

Web Title: there is no normal situation in maharashtra till one month whenever lockdown will over says sources dhk 81
टॅग : Coronavirus
Next Stories
1 मातीच्या ढिगाऱ्याखाली दबून दोन जणांचा मृत्यू
2 अकोल्यात करोनाबाधिताची आत्महत्या
3 महाराष्ट्रातील लॉकडाउन ३० एप्रिलपर्यंत वाढण्याची शक्यता
Just Now!
X