News Flash

साता-याजवळ तीन मुलांचा बुडून मृत्यू

सातारा तालुक्यातील आसगाव येथे तीन लहान मुलांचा बुडून मृत्यू झाला. त्यापकी दोघे सख्खे तर तिसरा त्यांचा चुलत भाऊ होता.

| July 25, 2014 04:15 am

सातारा तालुक्यातील आसगाव येथे तीन लहान मुलांचा बुडून मृत्यू झाला. त्यापकी दोघे सख्खे तर तिसरा त्यांचा चुलत भाऊ होता.
या बाबत सविस्तर माहिती पुढीलप्रमाणे- आसगाव येथील इयत्ता चौथीत शिकणारे अमोल भीमराव कांबळे (वय १०)आणि धीरज राहुल कांबळे (वय १०) हे दोघे शाळेच्या मधल्या सुटीनंतर गावातील पाझर तलावात पोहण्यासाठी गेले. पाझर तलावात ते दोघे बुडत आहेत असे अमोलचा भाऊ तेजस (वय १२) याला दिसले. त्याने या दोघांना पाण्याबाहेर काढण्याचा प्रयत्न केला. त्यात तोही पाण्यात बुडू लागला. या वेळी अभिषेक कांबळे याने ही घटना शाळेच्या शिक्षकांना तसेच गावातील युवकांना सांगितली. तातडीने त्यांना पाण्याबाहेर काढण्यात आले आणि सातारा येथील शासकीय रुग्णालयात उपचारासाठी दाखल करण्यात आले. उपचारापूर्वीच त्यांची प्राणज्योत मालवली होती. या घटनेने आसगाव हादरून गेले आहे. गावावर शोककळा पसरली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 25, 2014 4:15 am

Web Title: three children drown to death near satara
टॅग : Death,Satara
Next Stories
1 कृष्णा नदीला पूर; हरिपूरमध्ये पाणी
2 कोल्हापुरात पावसाची उसंत; नद्यांना पूर
3 कोयनेचा पाणीसाठा अद्याप बेताचाच; पाऊस उणावला
Just Now!
X