27 May 2020

News Flash

जालना जिल्ह्यात वीज पडून तिघांचा मृत्यु; दोन जखमी

वादळी वाऱ्यासह पाऊस

(संग्रहित छायाचित्र)

झाडावर वीज पडून झाडाखाली उभ्या असलेल्या तिघांचा जागीच मृत्यु झाला. तर पाच वर्षाच्या मुलासह एका वृद्ध महिला जखमी झाली आहे. जालना जिल्ह्यातील सावरगाव भागडे येथे रविवारी दुपारी ही घटना घडली. पाचही जण सोयाबीनची कापणी करण्यासाठी शेतात गेले होते.

जालना तालुक्यातील सावरगाव भागडे येथील गयाबाई गजानन नाईकनवरे यांच्या शेतात रविवारी सकाळी सोयाबीनची कापणी सुरू होती. सोयाबीन कापणीसाठी सावरगाव भागडेसह सेवली येथील मजूरही कामाला आले होते. शेतमजूर सोयाबीनची कापणी करीत असताना दुपारी १२ वाजण्याच्या सुमारास अचानक वादळी वाऱ्यासह विजांच्या कडकडाटासह पावसाला सुरुवात झाली. पाऊस येत असल्याने गयाबाई नाईकनवरे व इतर पाच जण जवळच असलेल्या झाडाखाली जाऊन बसले. तर इतर मजुरांनी शेतातील पत्र्याच्या शेडमध्ये आसरा घेतला.  मात्र त्यावेळी अचानक झाडावर वीज कोसळली. या घटनेत गयाबाई गजानन नाईकनवरे (३८, रा. सावरगाव भागडे), मंदाबाई नागोराव चाफले (४३), संदीप शंकर पवार (३५ दोघे रा. सेवली) या तिघांचा जागीच मृत्यू झाला. तर मंगेश संदीप पवार (०५) सुमनबाई साहेबराव नाईकनवरे (६५) हे दोघे गंभीर जखमी झाले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 6, 2019 6:12 pm

Web Title: three killed in lighting at jalna district bmh 90
Next Stories
1 परंड्यात रंगणार तुल्यबळ लढत; मोटे-सावंतांचे सर्वस्व पणाला
2 हा नियतीचा अजब खेळ आहे; ‘त्या’ सल्ल्यावरून चव्हाणांनी ठेवलं तावडेंच्या वर्मावर बोट
3 मराठवाडय़ाच्या राजकारणातील नात्यागोत्याची व्याप्ती मोठी
Just Now!
X