20 January 2021

News Flash

विरारमध्ये शौचालयाची टाकी साफ करताना तीन तरुणांचा मृत्यू

विरार मधील खासगी रुग्णालयातील अतिदक्षता विभागात अन्य एकावर उपाचार सुरू

प्रतिकात्मक फोटो

टाळेबंदीच्या काळात विरार येथे एका बंगल्यातील शौचालयाची टाकी साफ करताना ३ तरुणांचा मृत्यू झाल्याची घटना आज दुपारी विरार येथे घडली. विरार पश्चिमच्या बोळींजमधील रानपाडा गावात राहणाऱ्य हेमंत घरत यांनी आपल्या बंगल्यातील शौचालयाची टाकी साफ करण्याचे काम हाती घेतले होते. याच गावात राहणाऱ्या तरुणांनी टाळेबंदीच्या काळात पैसे मिळतील म्हणून हे काम स्वीकारले. मात्र दुपारी काम करत असतांना आतमध्ये विषारी वायुमुळे त्यांचा  जीव गुदमरू लागला.

यानंतर त्यांना विरार येथील खासगी रुग्णालयात दाखल करण्यात आले. मात्र नयन भोये, जयेंद्र मुकणे आणि तेजस भाटे या तिघांचा रुग्णालयात दाखल करण्याआधीच मृत्यू झाला होता. तर नितेश मुकणे याच्यावर विरार मधील खासगी रुग्णालयातील अतिदक्षता विभागात उपचार सुरु आहेत. या बाबत अर्नाळा सागरी पोलीस ठाण्यात अकस्मात मृत्यूची नोंद करण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 17, 2020 9:40 pm

Web Title: three young men die while cleaning toilet tank in virar msr 87
Next Stories
1 उद्धव ठाकरेंविरुद्ध गुन्हा केव्हा दाखल होणार?; किरीट सोमय्यांचा सवाल
2 अत्यावश्यक सेवेतील कर्मचाऱ्यांना पोलिसांकडून मारहाण होत असल्याची तक्रार
3 पाच महिन्यांसाठी महाराष्ट्राला ५० हजार कोटींचे अनुदान द्या; अजित पवारांची मोदींकडे मागणी
Just Now!
X